మామిడి పండు మజ్జిగ చారు | మాంబలం పులిస్సేరీ
మామిడిపండుతో ఎంతో తృప్తినిచ్చే కేరళ స్టైల్ మామిడిపండు మజ్జిగ చారు రెసిపీ. ఈ సమ్మర్ స్పెషల్ రెసిపీ స్టెప్ బై స్టెప్ ఇమేజెస్ ఇంకా వీడియోతో ఉంది చూడండి.
పులిస్సేరీ అంటే మజ్జిగ పులుసు/పులుసు, ఉత్తరాది వారు ఖడీ. కేరళ వారికి ఎన్నో కమ్మనైనా పులిస్సేరీలున్నాయ్, కానీ వేసవిలో తప్పక ఇష్టంగా తినే పులిస్సేరీ ఈ మాంబలం పులిస్సేరీ!
తెలుగు వారు ఎలాగూ మజ్జిగన్నంలో మామిడిపండు నంజుకుతింటారు, ఇది కూడా అలాంటిదే, కానీ షడ్రసాలతో ఉంటుంది. భోజనం ఆఖరున ఈ మాంబలం పులిస్సేరీతో ముగిస్తే ఆ తృప్తే వేరు.
టిప్స్
-
మామిడిపండు నలిపి గుజ్జుగా తీసుకోండి. టెంకకి ఉన్న గుజ్జు అలాగే వదిలేయండి.
-
మామిడిపండు తీపిని బట్టి ఉప్పు కారం వేసుకోండి. నిజానికి ఈ పులిస్సేరీ కమ్మగా ఉంటుంది.
-
నేను తీసుకున్న మామిడి బాగా తియ్యగా ఉన్నా కారణంగా నేను ½ చెక్క నిమ్మరసం పిండాను. ఇది పూర్తిగా ఆప్షనల్. పులుపు నచ్చకున్నా, పెరుగు పుల్లగా ఉన్నా నిమ్మరసం అవసరం లేదు
-
పెరుగు వేసేప్పుడు మంట పూర్తిగా తగ్గించి పెరుగు పులుసులో కలిసేదాకా కలుపుతూ ఉండాలి అప్పుడే తరకలు ఉండవు పెరుగులో.
మామిడి పండు మజ్జిగ చారు | మాంబలం పులిస్సేరీ - రెసిపీ వీడియో
Mango Kadhli | Mambazha Pulisserry Recipe | Mambalam Pulisseri | Mango Buttermilk Stew
కావాల్సిన పదార్ధాలు
- 2 పండు మామిడిపండ్లు
- 1/2 cup పచ్చికొబ్బరి
- 1/2 tsp మిరియాలు
- 1 tsp జీలకర్ర
- 2 రెబ్బలు కరివేపాకు
- ఉప్పు
- 300 ml నీళ్ళు
- 1/2 tsp కారం
- 1.5 tbsp పచ్చిమిర్చి పేస్ట్
- పసుపు – చిటికెడు
-
తాలింపు
- 2 tsp కొబ్బరి నూనె / శెనగ నూనె
- 2 చిటికెళ్ళు మెంతులు
- 1 tsp ఆవాలు
- 2 ఎండు మిర్చి
- 1 రెబ్బ కరివేపాకు
- ఇంగువ – చిటికెడు
విధానం
- మిక్సీ లో కొబ్బరి మిరియాలు జీలకర్ర వేసి మెత్తని పేస్ట్ చేసుకోండి
- మామామిడిపండుని మెత్తగా నలిపి గుజ్జు తీసుకోండి
-
పులుసు కాచే గిన్నెలో కొబ్బరి పేస్ట్, మామిడిపండు గుజ్జు ఇంకా మిగిలిన పదార్ధాలన్నీ వేసి కలిపి మీడియం ఫ్లేమ్ మీద ఒక పొంగు రానివ్వాలి
- పొంగువచ్చాక చిలికిన పెరుగు వేసి మంట తగ్గించి పులిస్సేరీలో కలిసేదాకా కలుపుతూనే ఉండాలి. పెరుగు కలిశాక ఒక్క పొంగురానివ్వాలి
- తాలింపు కోసం ఉంచిన పదార్ధాలన్నీ వేసి వేపి పులిస్సేరీలో కలుపుకోవడమే
-
ఇది అన్నంతో చాలా రుచిగా ఉంటుంది.
Leave a comment ×