మసాలా వడలు

Snacks

5.0 AVERAGE

నానబెట్టిన పచ్చిశెనగపప్పుని రుబ్బి కొన్ని మసాలాలు వేసి బాగా కలిపి వడలుగా తట్టి తీస్తే తెలుగు వారు సాయంత్రాలు ఎంతో ఇష్టంగా తినే మసాలా వడ రెడీ. వేడి వేడి మసాలా వడలు టీతో సారైనా జోడీ!

నానబెట్టిన పచ్చిశెనగపప్పులో ఉల్లి, అల్లం వెల్లులి వేసి చేసే ఈ వడలని మసాలా వడలు అంటారు. ఈ మసాలా వడలు తెలుగు రాష్ట్రాల్లో సాయంత్రాలు ఏ వీధిలో బండ్ల మీద అయినా సులభంగా దొరికేస్తాయ్. నానబెట్టిన పచ్చిశెనగప్పుతోనే కాదు అలసందలతో కూడా ఇదే విధంగా మసాలా వడ వేస్తారు.

ఈ వడలు వేడి మీద చాలా రుచిగా ఉంటాయి. ఈ సింపుల్ మసాలా వడ రెసిపీ చేయడం చాలా తేలికే, కానీ పప్పు రుబ్బేప్పుడు వడలు వేసేప్పుడు, నూనెలో వేసిన వదలని కాల్చేప్పుడు కొన్ని టిప్స్ అవసరం. ఆ టిప్స్తో కరకరలాడే మసాలా వడ వచ్చి తీరుతుంది.

కాబట్టి వడలు చేసే ముందు టిప్స్ ఫాలో అవ్వండి బెస్ట్ మసాలా వడని ఆనందించండి.

రెసిపీ ప్రింట్ చేయడానికి

టిప్స్

పచ్చిశెనగపప్పు:

పచ్చి సెనగపప్పు కడిగి 3-4 గంటలు నానబెడితే చాలు. పప్పుని కాస్త బరకగా గట్టిగా రుబ్బుకోవాలి. పిండి పలుచన అయితే వడ రాదు.

సొయా కూర:

నేను మసాలా వడ ఫ్లేవర్ పెంచడానికి కొంచెం సొయా కూర వేసాను. సొయా కూర వేసిన మసాలా వడ రుచి చాలా బాగుంటుంది. సొయ కూరకి బదులు కొయ్య తోటకూర ఆకు తరుగు కూడ వేసుకోవచ్చు

వడలు కాల్చే తీరు:

వడ వేసేప్పుడు చేతులు తడి చేసి మరిగే నూనెలో వేసి కదపకుండా రెండు నిమిషాలు వదిలేయాలి.
2-3 నిమిషాల తరువాత నెమ్మదిగా తిప్పుకుంటూ ఎర్రగా కాల్చుకోవాలి

వడ విరిగిపోతుంటే?

పిండి పలుచన అయిపోయి వడ రాకపోతే కాస్త బియ్యం పిండి , లేదా సెనగపిండి కొద్దిదిగా వేసి వడ కట్టి నూనె వేసి వేపి తీసుకోండి
పిండి నీరు బాగా తక్కువుగా ఉన్న వడ రాదుపొడిలో పొడిగా అయిపోతుంది. పప్పు కూడా చెమ్చాలతో నీరు పోసుకుంటూ బరకగా గట్టిగా రుబ్బుకోవాలి.