మిరియాల పులుసు

Tamilnadu Specials

చలికాలంలో వేడి వేడి అన్నంతో ఘుఘుమలాడే ఘాటైన తమిళనాడు స్పెషల్ మిరియాల పులుసు ఒక గొప్ప కాంబినేషన్!!! ఇంట్లో కాయ కూరలు లేనప్పుడు ఈ మిరియాల పులుసు చేసి మజ్జిగన్నం తిన్నా చాలు ఆ పూట భోజనం తృప్తినిస్తుంది.

మిరియాలు ఇంకా కొన్ని పదార్ధాలు వేపి మెత్తని పేస్ట్ చేసి ఉల్లిపాయ ముక్కల్లో ఉడికించి చింతపండు పులుసులో నిదానంగా చిక్కగా మరిగించి దింపేసుకోవడమే!!!

దక్షిణాది వారికి పులుసు ఉండనిదే భోజనానికి పరిపూర్ణత రాదు. అందుకే ఎన్ని రకాల పులుసులో. తెలుగు వారి కంటే తమిళులు చాలా ఎక్కువగా పులుసులు తింటారు.

ఈ ఘాటైన మిరియాల పులుసు తమిళవారు విడిగా చేస్తుంటారు, కానీ జ్వరం వచ్చి నోరు చేదుగా అనిపిస్తున్నప్పుడు తప్పక చేసుకుంటారు. ఈ పులుసుకి వేపిన వడియాలు జోడీ అయితే ఇంకా రుచిగా ఉంటుంది.

మీరు ఈ రెసిపీని కూడా ఇష్టపడవచ్చు వాము చారు

రెసిపీ ప్రింట్ చేయడానికి

టిప్స్

మిరియాలు:

ఈ పులుసులో మిరియాల ఘాటు ఎక్కువగా, యందు మిర్చి కారం తక్కువగా ఉండేలా చూసుకోండి.

పులుసు ఇలా చేస్తే చేదెక్కుతుంది:

మిరియాలు ఎండుమిర్చి నిదానంగా మాంచి సువాసనా రంగు వచ్చేదాకా కలుపుతూ వేపుకోవాలి. ఏ మాత్రం దినుసులు మిరపకాయలు మాడినా పులుసు చేదెక్కుతోంది.

సాంబార్ ఉల్లిపాయలు:

సాంబార్ ఉల్లిపాయల రుచి చాలా బాగుంటుంది. లేని వారు మామూలు ఉల్లిపాయలనే పెద్ద పాయలుగా చీరి వేసుకోండి. ఉల్లిపాయలు మెత్తబడితే చాలు. ఎర్రగా వేపనవసరం లేదు. ఉల్లిపాయాలు కూడా కాస్త ఎక్కువగా ఉంటెనే పులుసులో ఘాటుని పులుపుని ఉల్లిలోని తీపి బాలన్స్ చేస్తుంది.

బెల్లం వేసుకోవచ్చా:

నచ్చితే తప్పక వేసుకోవచ్చు. పులుపుని కారం ఘాటుని చక్కగా బాలన్స్ చేస్తుంది.

ఇంకొన్ని టిప్స్:

పులుసు నిదానంగా సన్నని సెగ మీద మరగాలి, అప్పుడే పులుసుకి రుచి లేదంటే మసాలాల్లోని సారం పులుసులోకి దిగదు
పులుసు చిక్కగా అనిపిస్తే వేడి నీళళ్తోన్ పలుచన చేసుకోవచ్చు.