పెసరపప్పు పులుసు | పెసర కట్టు | రాచిప్పలో అమ్మలకాలం నాటి పెసరపప్పు పులుసు

Curries

4.9 AVERAGE

చిన్నపిల్లల నుండి పెద్దవారి వరకు ఇష్టంగా తినే సింపుల్ రెసిపీ ఆంధ్రా పెసరపప్పు పులుసు. ఈ సింపుల్ రెసిపీ ఎప్పుడు చేసినా సూపర్ హిట్. రెసిపీ స్టెప్ బై స్టెప్ ఇమేజెస్ ఇంకా వీడియోతో ఉంది చూడండి.

రోజూ పులుసులు మరగని ఇల్లు ఉండదేమో దక్షిణ భారతదేశంలో. ప్రాంతానికి, కులానికి, మతానికి ఎన్నేసి రకాల పులుసులో. కొన్ని వందల రకాల పులుసుల్లో ఒకటి ఈ ఆంధ్రా స్టైల్ పెసరపప్పు పులుసు. దీన్నే తెలుగు వారు “పెసర కట్టు” అని కూడా అంటారు. పెసరపప్పు, నిమ్మరసం వేసి పలుచగా కాచే సింపుల్ పులుసు.

అన్నీ పులుసులు మాదిరిగా ఇందులో చింతపండు పులుసు ఉండదు నిమ్మరసం ఉంటుంది. వేసవిలో ఇంకా నోరుబాగలేనప్పుడు, తేలికగా ఏదైనా తినాలనుకున్నప్పుడు వేడిగా అన్నం నెయ్యితో కలిపి తింటే చాలా బాగుంటుంది ఈ పెసరపప్పు పులుసు పర్ఫెక్ట్.

రెసిపీ ప్రింట్ చేయడానికి

టిప్స్

సాధారణంగా చాలా మంది పెసరపప్పు కడిగి ఉడికించేస్తారు. నేను పెసరపప్పు వేపి మెత్తగా ఉడికిస్తాను. వేపి ఉడికించిన పులుసు రుచి చాలా బాగుంటుంది. టైమ్ లేనప్పుడు పప్పుని కడిగి వాడేసుకోవచ్చు
ఈ పులుసు లో పచ్చిమిర్చితో వచ్చే కారం రుచి బాగుంటుంది. ఎండు కారం కంటే. నచ్చితే అల్లం ముక్కలు కూడా వేసుకోవచ్చు చాలా బాగుంటుంది
కొందరు నెయ్యి తాలింపు పెడతారు. నచ్చితే అలా కూడా చేసుకోవచ్చు.
నేను చిన్న సాంబార్ ఉల్లిపాయలు వాడాను మీరు కావాలంటే ఉల్లిపాయ చీలికలు కూడా వాడుకోవచ్చు.