మస్క్ మెలన్ షర్బత్ | ఖర్బుజా షర్బత్ రెసిపి | ఖర్బుజ జ్యూస్

Desserts & Drinks

ఖర్బుజా షర్బత్ - సగ్గుబియ్యం నానబెట్టి పాలల్లో ఉడికించి అందులో జెల్లీ ముక్కలు కర్భూజా రసం ముక్కలు వేసి చల్లగా సర్వ్ చేసే ఈ చల్లని షర్బత్ వేసవిలో మరింత రుచిగా అనిపిస్తుంది.

షర్బత్ లు అనేకం, ఇది కర్భూజా షర్బత్ అక్కడక్కడా సగ్గుబియ్యం రాస్బెర్రీ జెల్లీ ముక్కలు తగులుతూ చాలా రుచిగా ఉంటుంది. పార్టీలకి, పిల్లల బర్తడేల ఈ డ్రింక్ చేయండి సూపర్ హిట్ అయిపోతుంది.

రెసిపీ ప్రింట్ చేయడానికి

టిప్స్

జెల్లీ :

• నేను ఈ షర్బత్కి రాస్బెర్రీ జెల్లీ ముక్కలు వాడాను, మీరు మరింకేదైనా ఫ్రూట్ ఫ్లేవర్ జెల్లీ వాడుకోవచ్చు. రాస్బెరి జెల్లీ ముక్కలు చూడ్డానికి ఆక్షరణగా ఉండడమే కాదు మాంచి ఫ్రూట్ ఫ్లేవర్తో ఉంటుంది అందుకే నేను రాస్బెర్రీ జెల్లీ వాడాను.

• జెల్లీ ఏదైనా మీరు కొనే ప్యాక్ మీద తయారీ విధానం ఉంటుంది దాన్ని పాటిస్తూ తయారు చేసుకోండి. జెల్లీ సెట్ చేసుకున్నాక చిన్న ముక్కలుగా కోసుకోండి.

సగ్గుబియ్యం:

సగ్గుబియ్యం ముందు నానబెట్టి తరువాత కలుపుకుంటూ ఉడికించుకుంటే అడుగుపెట్టకుండా త్వరగా ఉడికిపోతుంది.

కర్భూజా:

పండిన తియ్యని ఖర్భూజ అయితే తీపి కాస్త తక్కువ పడుతుంది. మీరు పండు తీపిని బట్టి తీపి పెంచుకోవచ్చు.

కండెన్సడ్ మిల్క్:

కండెన్డ్ మిల్క్ ఈ షర్బత్ కు చాలా రుచినిస్తుంది. పంచదార వాడితే షర్బత్ పలుచగా అయిపోతుంది. కాబట్టి పంచదార వాడుకోదలిస్తే పాలని కాస్త చక్కబడేదాకా మరగనివ్వండి.

ఎసెన్స్:

నేను షర్బత్ మరింత ఫ్రూట్ ఫ్లేవర్ ఉండాలని మాంగో ఎసెన్స్ వేశాను. మాంగో ఎసెన్స్ చాలా బాగుంటుంది. దొరకని వారు నచ్చని వారు వెనీలా లేదా ఇంకేదైనా ఫ్రూట్ ఎసెన్స్ వేసుకోవచ్చు.