మటన్ ఛుడ్వా
కరకరలాడుతూ అక్కడక్కడ జీడిపప్పు పలుకులు తగులుతూ ఎంతో రుచిగా ఉండే హైదరాబాద్ మటన్ ఛుడ్వా ఒక్కసారి చేసి ఉంచుకుంటే కనీసం నెల రోజుల పైన నిల్వ ఉంటుంది. నిజం చెప్తున్నాను మీరు ఈ రెసిపీని తినకపోతే చాలా మిస్ అయినట్లే!!!
వేడి వేడి పప్పు అన్నంతో పప్పు చారు, రసం అన్నంతో నంజుకుతినాడికి పర్ఫెక్ట్గా ఉంటుంది ఈ మటన్ ఛుడ్వా. రెసిపీ చాలా సులభం మసాలాలాతో మటన్ మెత్తగా ఉడికించి నూనెలో వేపి మసాలా పొడులు చల్లి దింపేసుకోవడమే. కానీ, కొన్ని కచ్చితమైన టిప్స్ పాటించాలి అప్పుడే మటన్ మాడకుండా కారకరాలలాడేట్టు వేగుతుంది.
మీరు ఈ రెసిపీని కూడా ఇష్టపడవచ్చు రాయలసీమ స్టైల్ మటన్ ఫ్రై
ఇలాంటి చిట్టి చిట్కాలు చాలానే ఉన్నాయ్ వాటికోసం కింద టిప్స్ చుడండి.
టిప్స్
మటన్:
-
ఈ ఛుడ్వాకి కచ్చితంగా ఎముకలు లేని లేత మాంసం అవసరం.
-
మాంసం కుక్కర్లో వేసి నిదానంగా మీడియం ఫ్లేమ్ మీద మెత్తగా ఉడికిపోవాలి. మాంసం ముక్క పట్టి నలిపితే ముక్క చిదిరిపోవాలి, అంత మెత్తగా ఉడకాలి.
మటన్ వేపే తీరు:
-
మెత్తగా ఉడికిన మటన్ని నూనెలో వేసి మీడియం ఫ్లేమ్ మీదే మధ్యమధ్యలో కలుపుతూ ఎర్రగా వేపుకోవాలి.
-
కిలో మాంసం నాకు ఎర్రగా వేగడానికి 25 నిమిషాల సమయం పట్టింది.
-
మాంసం నూనెలోనే ఎర్రగా కారకరాలడేట్టు వేపితే చల్లారాక మాడినట్లు అవుతుంది. ఎర్రగానే వేగాలి కానీ ముదురు ఎరుపు రంగులోకి వేపకండి. అలా వేపితే చల్లారాక మాడినట్లుగా అవుతుంది ఛుడ్వా
మటన్ ఛుడ్వా - రెసిపీ వీడియో
Mutton Chudwa | How to make Mutton Chudwa
- Prep Time 1 min
- Cook Time 1 hr
- Total Time 1 hr 1 min
- Serves 10
కావాల్సిన పదార్ధాలు
-
మాంసానికి మసాలాలు పట్టించడానికి:
- 1 kg లేత మాంసం
- 1 tbsp అల్లం వెల్లులి పేస్ట్
- 1 tbsp ధనియాల పొడి
- 1/2 tbsp వేపిన జీలకర్ర పొడి
- ఉప్పు
- 1 tbsp కారం
- 1/2 tbsp పసుపు
- 1 tbsp నూనె
- 750 ml నీరు
-
ఛుడ్వా వేపడానికి:
- 3/4 Cup నూనె
- 1/3 Cup జీడిపప్పు
- 2 tbsp అల్లం వెల్లులి పేస్ట్
- 3 Sprigs కరివేపాకు
- 6-7 ఎండు మిర్చి
- 1-2 tbsp కారం
- 1 tbsp చాట్ మసాలా
విధానం
- మాంసానికి మసాలాలు పట్టించి నీరు పోసి మీడియం ఫ్లేమ్ మీద 7-8 విజిల్స్ ఉడికించాలి
- అవిరి పోయాక మూత తీసి చూస్తే ఇంకా కొంచెం నీరు ఉంటుంది , అప్పుడు మీడియం ఫ్లేమ్ మీద నీరు పూర్తిగా ఇగిరిపోయి ముక్క మెత్తగా అయ్యేదాకా ఉడికించాలి
-
ఉడికిన మాంసం ముక్కలని పూర్తిగా చల్లార్చాలి. చల్లారిన ముక్కలని దారాల్లా నలిపి తీయాలి
- మూకుడులో నూనె వేడి చేసి అందులో జీడిపప్పు వేసి ఎర్రగా వేపి తీసుకోండి. అలాగే కరివేపాకు ఎండు మిర్చి కూడా వేసి వేపుకుని తీసుకోండి
- ఇప్పుడు మిగిలియున్న నూనెలో అల్లం వెల్లులి పేస్ట్ దారాల్లా తీసుకున్న మాంసం వేసి మీడియం ఫ్లేమ్ మీద మధ్య మధ్యలో కలుపుతూ ఎర్రగా వేపుకోవాలి
-
సుమారుగా 25-30 నిమిషాలలో మాంసంలోని నీరు ఇగిరిపోయి కారకరాలలాడడం మొదలవుతుంది, అప్పుడు స్టవ్ ఆపేసి చాట్ మసాలా కారం వేపిన జీడిపప్పు కరివేపాకు ఎండుమిర్చి వేసి బాగా టాస్ చేసి పూర్తిగా చల్లార్చాలి.
- ఛుడ్వా పూర్తిగా చల్లారిన తరువాత గాలి చొరని డబ్బాలో పెట్టి ఉంచుకుంటే కనీసం నెల పైన నిలవ ఉంటుంది. పప్పు అన్నంతో లేదా నెయ్యి వేసిన అన్నంతో కలుపుకు తిన్నా చాలా రుచిగా ఉంటుంది.
Leave a comment ×
1 comments