విలేజ్ స్టయిల్ మటన్ కర్రీ

5.0 AVERAGE

వెనుకటి తీరులో సింపుల్ ఇంకా బెస్ట్ మటన్ కర్రీ!!! ఈ మాంసం కూర కారంగా ఘాటుగా ఉంటుంది సింపుల్గా తయారవుతుంది. ఈ కూర అన్నం గారెలు దోసెలతో ఎంతో రుచిగా ఉంటుంది.

సాధారణంగా మాంసం కూరలు అంటే చాలా హడావిడి. కానీ ఈ తీరులో చేస్తే బెస్ట్ మటన్ కర్రీ వస్తుంది. మసాలాలు అన్నీ మాంసంకి పట్టించి కుక్కర్లో వేసి 5-6 కూతలు రానిచ్చి దింపేస్తే అయిపోయింది కూర. ఇంత సింపుల్గా ఉన్నా ఎంతో రుచిగా ఉంటుంది.

వెనుకటి తీరులో చేసే కూరకి ఎక్కువెక్కువ మసాలాలు లాంటివి ఏవి లేవు. వేసేవి 4-5 పదార్ధాలు అంతే, కానీ మాంసం వన్డే తీరు వేసే పదార్ధాల కొలతలు వీటి మీదే ఉంది రుచి.

వెనుకటికి తెలుగు వారు ఈ తీరులోనే మాంసం కూర వన్డే వారు, కానీ మట్టి పాత్రల్లో నిదానంగా చేసే వారు. నేను కుక్కర్లో చేస్తున్నాను. పెద్దగా టిప్స్ ట్రిక్స్ ఏమి అవసరం లేదు, ఉప్పు కారాలు సరైన మోతాదులో ఉంటె చాలు అంతే!

Try this: Andhra Style Mutton Fry

రెసిపీ ప్రింట్ చేయడానికి

టిప్స్

మాంసానికి మసాలాలు బాగా రుద్ది పట్టించి కనీసం గంట లేదా రాత్రంతా ఫ్రిజ్లో ఉంచితే మాంసానికి మసాలాలు బాగా పట్టి మెత్తగా ఉడుకుతుంది.
మాంసం ఎంత లేతగా ఉంటె అంత త్వరగా ఉడుకుతుంది. నాకు 5 విజిల్స్లో మాంసం ఉడికిపోయింది, మీరు మీ మాంసం క్వాలిటీని బట్టి ఉడికించుకొండి.
ఈ కూరని రుచి చూసి ఉప్పు కారాలు మీకు తగినట్లుగా వేసుకోండి. ఇంకా మాంసం కూరలకి నూనెలు ఉండాలి అప్పుడే రుచి.