రాగి అంబలి | అంబలి

Breakfast Recipes

రాగి అంబలి జిగురు లేకుండా ఉడికించిన రాగి ముద్దలో మునిగేదాకా నీరు రాత్రంతా పులియబెట్టి పెరుగు ఉల్లి అల్లం కరివేపాకు పచ్చిమిర్చి వేసి తయారు చేసే ఈ అద్భుతమైన అంబలి వేసవిలో పొట్టకి ఎంతో మేలు చేస్తుంది ఇంకా శరీరానికి కావలసిన పోషకాలని సమృద్ధిగా అందిస్తుంది.

దక్షిణ భారతదేశంలో సాధారణంగా పులియబెట్టిన ఆహరం ఎక్కువగా తీసుకుంటుంటారు. అందులో ఈ అంబలి ఒకటి. ఈ అంబలి పరగడుపున ఒక పెద్ద గ్లాసు తాగితే చాలు ఇంకా మరో టిఫిన్స్ తినాల్సిన అవసరం లేకుండా సరిపోతుంది. ఈ అంబలి వేసవిలోనే కాదండి శరీరానికి వేడి చేసినప్పుడు లేదా పొట్ట సంబంధిత ఇబ్బందులు ఉన్నప్పుడు ఇంకా మీ రోజుని మరింత ఉత్సాహంగా మొదలెట్టాలనుకున్నప్పుడు చాలా పర్ఫెక్ట్.

రెసిపీ ప్రింట్ చేయడానికి

టిప్స్

రాగి పిండి:

రాగి పిండిలో ముందుగా గడ్డలు లేకుండా కలుపుకుంటే ఉడికించేప్పుడు గడ్డలు ఏర్పడకుండా ఉంటాయి.
రాగి పిండి గరిట నుండి జిగురులేకుండా జారే వరకు మీడియం ఫ్లేమ్ మీద ఉడికించుకోవాలి.

నీళ్లలో ఊరబెట్టడం:

రాగి ముద్దలని మునిగేంత నీరు పోసి రాత్రంతా వదిలేస్తే అప్పుడు పొట్టకి మేలు చేసే మంచి బాక్టీరియా పెరుగుతుంది.

ఇంకొన్ని టిప్స్:

ఉల్లి పచ్చిమిర్చి అల్లం సాధ్యమైనంత సన్నని తరుగు ఉంటె బాగుంటుంది. మీకు నచ్చితే వేపిన ఉల్లి వేసుకున్నా చాలా రుచిగా ఉంటుంది.
రాత్రంతా ఊరిన రాగి ముద్దని ముందు చేత్తో మెత్తగా మెదిపి తరువాత జల్లెడలో వేసి వడకట్టుకుంటే గడ్డలు లేని మృదువైన అంబలి తయారవుతుంది