బెండకాయ వెల్లులి కారం

Curries

ఒక సింపుల్ ఐడియా జీవితాన్నే మార్చేస్తుంది అన్నట్లు ఒక సింపుల్ రెసిపీ ఆ పూట భోజనాన్ని తృప్తిగా ముగించేలా చేస్తుంది, అదే ఆంధ్రా స్టైల్ బెండకాయ వెల్లులి కారం వేపుడు. ఈ సింపుల్ రెసిపీ స్టెప్ బై స్టెప్ ఇమేజెస్ ఇంకా వీడియోతో ఉంది చూడండి.

బెండకాయ వేపుడు అంటే ఎవరికి ఇష్టత ఉండదు, వేడిగా నెయ్యి అన్నంతో చాలా రుచిగా ఉంటుంది. ఈ బెండకాయ వెల్లులి వేపుడు ఆంధ్రాలో ఇంకా చెప్పాలంటే మా ఇంట్లో చాలా ఎక్కువగా చేస్తాము. ఈ వేపుడు పప్పు పప్పుచారుతో నంజుడుగా లేదా వేడిగా నెయ్యి వేసిన అన్నంతో చాలా రుచిగా ఉంటుంది.

ఆంధ్రా స్టైల్ బెండకాయ వేపుడు రెసిపీ కనీసం 3 రోజుల పైన నిలవుంటుంది. బాచిలర్స్ ఇంకా ఉద్యోగస్థులకి చాలా ఉపయోగపడుతుంది.

రెసిపీ ప్రింట్ చేయడానికి

టిప్స్

బెండకాయలు లేతవి అయితే గింజలు తక్కువగా ఉండి వేపుడు చాలా రుచిగా ఉంటుంది వేపుడు.
బెండకాయలు కడిగి తుడిచి గాలికి ఆరబెట్టి ఆ తరువాత అంగుళం సైజు ముక్కలు కోసుకోవాలి. బెండకాయలు ఆరాక ముక్కలు కోస్తే జిగురు తక్కువగా ఉంటాయ్, ఇంకా అంగుళం సైజు ముక్కలు ఉంటే వేగాక ముక్కలు మరీ చిన్నవిగా కుంచించుకుపోవు.
వెల్లులి కారం ఉప్పు వేసి బరకగా రుబ్బు కోవాలి, లేదంటే ముద్దగా అవుతుంది వెల్లులి కారం అప్పుడు వేపుడులో సరిగా కలవదు.
బెండకాయలు వేపుకున్నక మిగిలిన నూనె తాళింపులకి లేదా ఆమ్లెట్లు వేసుకోవచ్చు.