పాలకూర కార్న్ కాప్సికం అన్నం

4.7 AVERAGE

నూనెలో తాలింపు వేసి కార్న్ కాప్సికం పాలకూర వేసి వేపి పొడిపొడిగా వండుకున్న అన్నం వేసి టాస్ చేసి దింపే అద్భుతమైన లంచ్ బాక్స్ రెసిపీ. ఇది హ్యాపీ టమ్మీ రెసిపీ. తిన్నాక పొట్టకి ఎంతో హాయిగా తేలికగా ఉంటుంది.

నిజానికి లంచ్ బాక్సు రైస్ రెసిపీస్ పేరుపెట్టి రోజూ గరం మసాలాలు అల్లం వెల్లులి పేస్ట్లు వేసి చేసే రెసిపీ చేయడం రోజూ అవి తినడం రెండూ నాకిష్టం ఉండదు. అంత ఆరోగ్యం కూడా కాదు.

అందుకే సింపుల్గా పొట్టకి హాయినిచ్చే కమ్మని రైస్ రెసిపీస్ తీసుకొస్తున్నా, హ్యాపీ టమ్మీ రెసిపీస్ సీరీస్తో. ఈ రెసిపీస్ చేయడం ఎంతో తేలిక, బ్యాచిలర్స్కి, ఆఫీస్ వెళ్లేవారికి ఎంతో చేసుకోవడం ఎంతో తేలిక.

అన్నీ నూనెలో వేపి అన్నం వేసి టాస్ చేసి దింపేసుకోవడమే!

రెసిపీ ప్రింట్ చేయడానికి

టిప్స్

వైట్ రైస్:

తినగిలిగితే ఇష్టముంటే మీరు వైట్ రైస్కి బదులు మిల్లెట్స్ పొడి పొడిగా వండుకుని కూడా చేసుకోవచ్చు

అల్లం:

కార్న్ కాప్సికం రైస్లో నేను అల్లం ఘాటు మోతాదు కొంచెం ఎక్కువగా ఉంచాను, మిరప కారం తగ్గించి. కట్టే పొంగలి మాదిరి. కానీ అల్లం చాలా సన్నని తురుము లేదా తరుగు వేసుకోండి.

పచ్చిమిర్చి:

చిన్న పిల్లలకి అయితే పచ్చిమిర్చి చీలికలు వేసేస్తే ఏరి తీసేయడానికి వీలవుతుంది. లేదా కారం తక్కువగా తినేవారు పచ్చిమిర్చిని ఎర్రగా వేపుకోండి.

కాప్సికం:

కాప్సికం సన్నని తరుగు ఉంటె బాగుంటుంది. ఇంకా మరీ మెత్తగా వేపండి 2-3 నిమిషాలు వేపుకుతుంటే చాలు.

స్వీట్ కార్న్ :

కమ్మదనం కోసం నేను స్వీట్ కారం వాడాను మీరు కావాలనుకుంటే ఫ్రోజెన్ బటాణీ కూడా వాడుకోవచ్చు. నేను తాజా స్వీట్ కార్న్ వాడాను కాబట్టి ఉల్లిపాయ తరుగుతో పాటే వేసి వేపాను. మీరు ఫ్రోజెన్ కార్న్ వాడితే కాప్సికం వేగిన తరువాత వేసుకోండి.

సాంబార్ పొడి:

రెసిపీలో వేసిన సాంబార్ పొడి ఎంతో ప్రేత్యేకమైన పరిమళాన్ని ఇస్తుంది. తప్పక వేయండి. సాంబార్ పొడి వేసాక ముప్పై సెకన్లు వేపితే చాలు, పొడిలోని పరిమళం విడుదల అవ్వడానికి.

ఆఖరుగా:

ఈ రైస్ మీడియం స్పైసిగా చేసాను. మీరు మీకు తగినట్లుగా కారాలు అడ్జస్ట్ చేసుకోండి.