పెసరపప్పు పూర్ణాలు

Sweets

4.0 AVERAGE

పండుగలకి వ్రతాలకి ఆంధ్రాలో కోనసీమ ప్రాంతంలో ఇష్టంగా చేసుకునే రెసిపీ పెసరపప్పు బూరెలు. తెలుగు వారి ఇళ్ళలో పూర్ణాలు లేకుండా ఏ శుభకార్యానికి పరిపూర్ణత రాదు అంటే అర్ధం చేసుకోవచ్చు పూర్ణాలు ఎంత ఇష్టంగా తింటారో తెలుగు వారు.

పూర్ణాలనే కొందరు బూరెలు అని కూడా అంటారు, అంతా ఒక్కటే. సాధారణంగా పూర్ణాలు-బూరెలు అంటే పచ్చిశెనగపప్పు ఉడికించి బెల్లం కలిపి ఉండలు చేసి మినపపిండి లో ముంచి ఎర్రగా వేపి తీస్తారు. పచ్చిశెనగపప్పుతో చేసే లోపలి స్టఫ్ఫింగ్ దాదాపుగా బొబ్బట్ల స్టఫ్ఫింగ్. కానీ ఈ పెసరపప్పు బూరెల స్టఫ్ఫింగ్ పూర్తిగా భిన్నం, వీటి రుచి తయారీ అన్నీ ప్రేత్యేకమే! ఈ రెసిపీలో నేను గంటల తరువాత కూడా బూరెలు క్రిస్పీగా ఉండే స్పెషల్ టిప్స్తో చెప్తున్న. ఈ టిప్స్తో చేస్తే సాదారణంగా గంటల తరువాత పూర్ణాలు మెత్తగా అయిపోతుంటాయ్, కానీ నా తీరులో గంటల తరువాత కూడా కరకరలాడుతూ ఉంటాయ్.

రెసిపీ ప్రింట్ చేయడానికి

టిప్స్

పై పిండి:

సంప్రదాయ పద్ధతిలో లోపలి పూర్ణాన్ని అట్ల పిండిలో ముంచి వేస్తారు. నిజమే ఆ తీరులో వేడి మీద రుచిగానే అనిపిస్తాయ్. కాస్త చల్లారగానే మెత్తగా అయిపోతాయ్. అంత రుచిగా ఉండవు.
కానీ ఇలా పొడి బియ్యం పిండిలో నీళ్ళు కలిపి గంట సేపు నానబెట్టి తరువాత మెత్తగా రుబ్బిన మినప పిండి కలిపితే బూరెలు వేస్తే గంటల తరువాత కూడా కరకరలాడుతూ ఉంటాయ్.
పైపిండి ఒక్కో సారి మందంగా అయి తినేందుకు అంత రుచిగా అనిపించదు. అందుకే ఎప్పుడైనా పై పిండి నీళ్లతో పలుచన చేసుకున్నాక పిండిలో వేలు ముంచి చూడండి. వెలికి ఏ మందాన పిండి అంటుందో ఆ మందాన పూర్ణంకి పిండి అంటుతుందని గుర్తు.

పూర్ణం:

పెసరపప్పుని ఆవిరి మీద ఉడికించాక, పూర్తిగా చల్లారిన తరువాత మెడిపితే రవ్వగా అవుతుంది లేదంటే ముద్దగా అయిపోతుంది.
పాకంలో కూడా పెసరపప్పు రవ్వని వేసి నిదానంగా గడ్డలని చిదుముకుంటూ దగ్గరపడానివ్వాలి. గడ్డలు ఉంటే పాకం సరిగా పీల్చక చప్పగా ఉంటుంది.

పర్ఫెక్ట్ కొలతలు:

ఏ కొలతకి చేసినా మినపప్పుకి రెండింతలు బియ్యం పిండి. మిగిలిన పెసరపప్పు బెల్లం పచ్చికొబ్బరి తురుము అన్నీ బియ్యం పిండికి సమానం.