పిజ్జా బ్రెడ్ సమోసా
చేసినంత సేపు పట్టదు ప్లేట్ ఖాళీ చేయడానికి అంతలా లాగించేస్తారు ఈ క్యూట్ పిజ్జా బ్రెడ్ సమోసాలని. తినడం మొదలెడితే ఎన్ని తింటున్నామో తెలియనివ్వకుండా తినిపించే ఈ చీస్ స్టఫ్ఫింగ్ సమోసా రెసిపీ స్టెప్ బై స్టెప్ ఇమేజెస్తో వివరంగా ఉంది.
సమోసా అంటే ఇష్టపడని వారు ఎవరు చెప్పండి. ఈ సమోసా పిజ్జా స్టఫ్ఫింగ్తో చీసీగా ఉంటుంది. బ్రెడ్ లేయర్స్తో కరకరలాడుతూ భలేగా ఉంటుంది. పార్టీస్కి లేదా స్టార్టర్గా బెస్ట్ ఆప్షన్. ఇంకా ఈ సమోసాలు చేసి ఫ్రీజ్ చేస్తే కనీసం నెల రోజులు నిలవ ఉంటాయ్.
కాబట్టి టైమున్నప్పుడు చేసి ఉంచుకుంటే ఎప్పుడంటే అప్పుడు స్నాక్స్ తయార్!
టిప్స్
బ్రెడ్:
- ఈ పిజ్జా బ్రెడ్ సమోసా చేయడానికి కచ్చితంగా తాజా శాండ్విచ్ బ్రెడ్ ఉండాలి. మిల్క్ బ్రెడ్ కంటే శాండ్విచ్ బ్రెడ్ పర్ఫెక్ట్ ఈ సమోసాకి.
బ్రెడ్ షీట్స్:
- బ్రెడ్ అంచులని తీసేసి పలుచని షీట్స్గా ప్రెషర్ ఇస్తూ వత్తుకోవాలి. ముఖ్యంగా అంచులని మూలలని.
సమోసా మీద పగుళ్లు వస్తే:
- సమోసా మడుస్తున్నపుడు పగుళ్లు వస్తుంటాయ్ ఒక్కో సారి. అప్పుడు పగుళ్ళ దగ్గర మైదా పూస్తే చాలు
స్టఫ్ఫింగ్:
- నేను వేసినవే కాదు నచ్చితే పనీర్ తురుము, ఆలీవ్స్ లేదా పిజ్జాకి వాడేవి ఇంకేమైనా వేసుకోవచ్చు.
పిజ్జా బ్రెడ్ సమోసా - రెసిపీ వీడియో
Pizza Bread Samosa | Crispy Bread Samosa
Snacks
|
vegetarian
- Prep Time 15 mins
- Cook Time 7 mins
- Total Time 22 mins
- Servings 5
కావాల్సిన పదార్ధాలు
- 15 శాండ్విచ్ బ్రెడ్
-
స్టఫ్ఫింగ్ కోసం
- 2 tsp ఎల్లో కాప్సికం తరుగు
- 2 tsp గ్రీన్ కాప్సికం తరుగు
- 2 tsp రెడ్ కాప్సికం తరుగు
- 2 tsp స్వీట్ కార్న్
- 1/2 tsp పిజ్జా సీసనింగ్
- 1 1/2 tsp పిజ్జా సాస్
- ఉప్పు – కొద్దిగా
- 1/4 tsp మిరియాల పొడి
- 1/2 tsp చిల్లీ ఫ్లేక్స్
- 1 tbsp ఆలేపినోస్
- 1.5 cup మొజారేల్లా ఛీస్
- 1 tbsp బేసిల్ ఆకుల తరుగు (ఆప్షనల్)
- నూనె – వేపడానికి
-
బ్రెడ్ని సీల్ చేయడానికి
- 1 tbsp మైదా
- నీళ్ళు
విధానం
- స్టఫ్ఫింగ్ కోసం ఉంచిన పదార్ధాలన్నీ వేసి కలిపి పక్కనుంచుకోండి.
- బ్రెడ్ అంచులని తీసేయండి. తరువాత పలుచని షీట్స్గా రోల్ చేసుకోవాలి. ముఖ్యంగా అంచులని, మూలని అదిమిపెట్టి వత్తి సమానంగా రోల్ చేసుకోండి.
-
బ్రెడ్ షీట్లని సమోసా షీట్స్లా మధ్యకి టైయాంగిల్ షేప్లో కట్ చేసుకోండి.
- మైదాలో నీళ్ళు కలిపి చిక్కని పేస్ట్ చేసి పక్కనుంచుకోండి.
- కట్ చేసుకున్న సమోసా షీట్స్ అంచులకి మైదా పూసుకోవాలి. తరువాత మధ్యలో స్టఫ్ఫింగ్ కొద్దిగా ఉంచి ముందు మూలని గట్టిగా అదిమిపెట్టి తరువాత మధ్యకి మడిచి గట్టిగా సీల్ చేయాలీ. పగుళ్ళు ఉంటే మైదా పూయాలి పగుళ్ళ మీద.
-
తయారు చేసుకున్న సమోసాలని వేడి నూనెలో లేత బంగారు రంగు కంటే కాస్త ఎక్కువగా వేపి తీసుకుంటే బయటకి తీశాక ఎర్రటి రంగు వచ్చేస్తాయ్.
- ఈ సమోసాలు వేడిగా టొమాటో సాస్తో చెప్పలేనంత రుచిగా ఉంటాయ్.
Leave a comment ×
4 comments