ముల్లంగి సాంబార్

3.0 AVERAGE

మగ్గించిన ముల్లంగి ముక్కల్లో కందిపప్పు చింతపండు పులుసు, సాంబార్ పొడి వేసి చేసే ఘుమఘుమలాడే సాంబార్ ఉంటె చాలు భోజనానికి ఒక పరిపూర్ణత. ఈ సింపుల్ ముల్లంగి సాంబార్ బాచిలర్స్ ఇంకా ఇప్పుడిప్పుడే వంట నేర్చుకునే వారు కూడా అద్భుతంగా చేసేస్తారు!

దక్షిణ భారతదేశంలో అన్ని రాష్ట్రాల కంటే తమిళులు ఎక్కువగా సాంబార్ని ఇష్టపడతారు, అందుకే వారికి ఎన్ని రకాల సాంబారులో. తెలుగు రాష్ట్రాల్లో సాంబార్ అంటే కాయకూర ముక్కలు వేసి చేసే సాంబార్, ఇంకా తెలుగు వారి సింపుల్ పప్పుచారు. కానీ తమిళ వారు దాదాపుగా ప్రతీ కాయకూరతో సాంబార్ చేస్తారు, సాంబార్లు అన్నీ చేసే తీరు ఒక్కటే అయినా వేసే పదార్ధాలు కాస్త భిన్నం, అక్కడే ఉంది మరి అసలైన రుచి. ఇంకా తెలుగు వారు కాచే సాంబార్కి తమిళుల సాంబార్ రుచికి వ్యత్యాసం ఉంది. తెలుగు వారి సాంబార్ ఘాటుగా పుల్లగా కారంగా ప్రతీ రుచి తెలిసేలా ఉంటుంది. తమిళుల సాంబార్ తెలుగు వారికి కాస్త చప్పగా అనిపిస్తుంది.

నేను ఈ ముల్లంగి సాంబార్ తమిళుల తీరులో చేస్తున్నా. తమిళులు కందిపప్పుని మెత్తగా వెన్నలా ఉడికించి ఎనపకుండా సాంబార్ కాస్తారు, తెలుగు వారు ఉడికించిన పప్పుని మెత్తగా ఎనిపి సాంబార్ కాస్తారు. ఇంకా తమిళుల సాంబార్ చిక్కగా ఉంటుంది.

ముల్లంగి సాంబార్ సింపుల్గా సాంబార్ పొడి వేసీ చేసుకోవచ్చు లేదా సాంబార్ పొడి అప్పటికప్పుడు చేసుకుని కూడా చేసుకోవచ్చు. నేను సింపుల్గా రెడీమేడ్ సాంబార్ పొడి వేసి చేస్తున్నా. అయినా చాలా రుచిగా ఉంటుంది. వేడిగా అన్నం అప్పడాలు వడియాలు ఉంటె చాలు సుష్టుగా భోజనం చేస్తారు!

Try these recipes: Pesarapappu Pulusu and Mangalore Dosakaya Sambar

రెసిపీ ప్రింట్ చేయడానికి

టిప్స్

కందిపప్పు:

పప్పు కడిగి గంట సేపు నానబెట్టి కుక్కర్లో 5-6 విజిల్స్ వచ్చేదాకా మీడియం ఫ్లేమ్ మీద ఉడికిస్తే పప్పు వెన్నలా మెత్తగా ఉడికిపోతుంది.
మీకు నచ్చితే తెలుగు వారిలా ఉడికిన పప్పుని మెత్తగా ఎండుపుకోవచ్చు. నేను మెత్తగా ఉడికిన పప్పుతో సాంబార్ కాస్తున్నా

బెస్ట్ సాంబార్కి కొన్ని టిప్స్:

సాంబార్లో అతి ముఖ్యమైనది ఉప్పు పులుపు, కారం ఇవి జాగ్రత్తగా రుచి చూసి మీకు తగినట్లుగా వేసుకోండి. ఎందుకంటె నా కొలత కారం మీరు వాడే కారం క్వాలిటీ ఒకటి కాదు కాబట్టి.
సాంబార్ ఎప్పుడూ బాగా ఎక్కువసేపు మరగాలి, అప్పుడే సాంబార్కి రుచి సువాసనా.
సాంబార్ పొడి వేసాక బాగా కలిపి సన్నని సెగ మీద 30 నిమిషాలు పైన మరగనివ్వాలి.
సాంబార్ చల్లారాక లేదా ఎప్పుడైనా చిక్కగా అనిపిస్తే కాసిని వేడి నీళ్లు పోసి పలుచన చేసి 5-6 నిమిషాలు మరిగిస్తే చాలు.