రాజమండ్రి స్పెషల్ కాజు చికెన్ పకోడీ

5.0 AVERAGE

బోనెల్స్ చికెన్కి మాసాలాలూ దట్టించి ఊరబెట్టి జీడీపప్పు వేసి కలిపి నూనెలో ఎర్రగా వేపి తీసే పకోడీ చేసినంత సేపు పట్టదు ఖాళీ చేయడం. ముక్క ముక్కలో కరకరలాడే కాజు ముక్కలు తగులుతూ చాలా రుచిగా ఉంటుంది. వీకెండ్స్కి లేదా పార్టీస్కి ట్రై చేసి చుడండి, ఎప్పుడు చేసినా సూపర్ హిట్ అంతే!

ఆంధ్రప్రదేశ్ లోని రాజమండ్రీ స్పెషల్ రెసిపీ ఈ కాజు చికెన్ పకోడీ. నేను మొదటి సారి ఈ రేసీపీ రాజమండ్రీలో ఒక చిన్న హోటల్లో తిన్నాను, చాలా సింపుల్ ఫ్లేవర్స్తో ఎంతగానో నచ్చేసింది. వెంటనే హోటల్ ఓనర్ని అడిగితే ఇది రాజమండ్రీ స్పెషల్ అని రెసిపీ కూడా షేర్ చేశారు.

వారు కమర్షియల్ స్టయిల్లో చేశారు, నేను చిన్న మార్పులతో చేస్తున్నాను. ఈ కాజు చికెన్ పకోడీ కూడా దాదాపుగా చికెన్ పకోడీలాగానే చేసుకోవాలి, కానీ వేసే పదార్ధాలు కాస్త భిన్నం అంతే!

ఈ రెసిపీలో పర్ఫెక్టుగా చికెన్ ఎలా వేపుకోవాలి, ఎలా వేపితే చికెన్ లోపలి దాకా ఉడుకుతుంది లాంటి టిప్స్తో ఉంది. చెస్ ఏముంది ఒక్క సారి టిప్స్ జాగ్రత్తగా ఫాలో అవుతూ చేసుకోండి.

రెసిపీ ప్రింట్ చేయడానికి

టిప్స్

చికెన్:

నూనె బాగా వేడెక్కాక మంట పూర్తిగా తగ్గించండి లేదా నూనె బాగా ఎక్కువగా వేడెక్కితే స్టవ్ ఆపేసి జీడిపప్పు ముక్కలు చికెన్కి అద్ది నూనెలో ఒక పావుకిలోనే వేసుకోండి.

చికెన్ ముక్కలు వేసాక మంట మీడియం ఫ్లేమ్లోకి పెట్టి 10-12 నిమిషాలు వేపితే ముక్క ముందు లోపలిదాకా మగ్గుతుంది, ఆ తరువాత హై ఫ్లేమ్లోకి మంట పెంచి ఎర్రగా వేపుకుని తీసుకోవాలి.

చికెన్ మూకుడు సైజుకి మించి వేస్తే వేడెక్కిన నూనె చల్లబడి ముక్క సరైన తీరుగా వేగదు.

కోటింగ్:

చికెన్లో ఎగ్ వేస్తేనే పైన కోటింగ్ జారిపోకుండా చక్కగా పట్టుకుంటుంది. నీళ్లతో కలిపితే వేగేప్పుడు కోటింగ్ ఊడిపోతుంది. ఇంకా జీడీపప్పుని పట్టుకుంటుంది.

ఏ కారణం చేతనైన పిండి లూస్ అయితే కాస్త కారన్ఫ్లోర్ కలుపుకోండి.

నిజానికి చికెన్ పకోడికి సెనగపిండి కాస్త బియ్యం పిండి వాడుకోవాలి. నేను కార్న్ ఫ్లోర్ మైదా వాడాను.

నచ్చితే మీరు సెనగపిండి మైదా కలిపి వాడుకోవచ్చు.

బియ్యం పిండి తగిలితే పకోడీ వేడి మీద కరకరలాడుతూ ఉంటుంది. కానీ, చల్లారితే బిరుసెక్కిపోతుంది ముక్క.

పకోడీ వేపే తీరు:

నూనె బాగా వేడెక్కాక మాన్తా పూర్తిగా తగ్గించండి లేదా బాగా ఎక్కువగా వేడెక్కితే స్టవ్ ఆపేసి జీడిపప్పు ముక్కలు చికెన్కి అద్ది నూనెలో ఒక పావుకిలోనే వేసుకోండి.

చికెన్ ముక్కలు వేసాక మంట మీడియం ఫ్లేమ్లోకి పెట్టి 10-12 నీంసిహాలు వేపితే ముక్క ముందు లోపలిదాకా మగ్గుతుంది, ఆ తరువాత హాయ్ ఫ్లేమ్లోకి మంట పెంచి ఎర్రగా వేపుకుని తీసుకోవాలి.

ఆఖరుగా:

రాజమండ్రీలో నేను తిన్న దగ్గర అజినొమొటో వేశారు రుచి చాలా బాగుంది. కానీ ఈ రెసిపీ నేను అజినొమొటో వేయడం లేదు. నచ్చితే మీరు వేసుకోండి.