రాయలసీమ పులగం పల్లీ పచ్చడితో

One Pot Recipe

బియ్యం పొట్టు పెసరపప్పు కొద్దిగా మసాలాలు కొంచెం ఎక్కువ కారం వేసి చేసే రాయలసీమ పులగం తినడానికి సమయం సందర్భం అవసరమే లేదు. చేసినంత సేపు పట్టదు ఖాళీ చేయడం ఈ వన్ పాట్ రెసిపి. ఎంతో రుచి మరెంతో పరిమళం రాయలసీమ పులగం రెసిపీ.

పులగం అంటే కిచిడి. కిచిడిని తెలుగులో పులగం అనే అంటారు. అన్నం బియ్యం కలిపి వండేదాన్నని పులగం అంటారు తెలుగులో. అన్నం పప్పు కొద్దిగా ఉప్పు వేసి వన్డే పులగం తెలుగు వారందరూ చేస్తారు. కానీ రాయలసీమ ప్రాంతం వారు కాస్త భిన్నంగా చేస్తారు. అంటే పెసలకి బదులు అలసందలు వాడతారు. ఇంకా కొందరు చప్పగా ఉప్పు వేసి పులగం వేసి చేస్తే ఇంకొందరు కొద్దిగా మసాలాలు వేసి చేస్తారు. నేను మసాలాలు వేసి చేస్తున్నా. ఈ పులగం ఘాటుగా కారంగా ఘుమఘుమలాడిపోతూ ఉంటుంది. వేడివేడిగా నెయ్యి పల్లీల పచ్చడితో చాలా రుచిగా ఉంటుంది.

ఈ సింపుల్ పులగం రెసిపీ వీకెండ్స్కి, లేదా వాతావరణం చల్లగా ఉన్నప్పుడు వండుకుతుంటే మరింత రుచిగా అనిపిస్తుంది. నిజానికి నేను రాయలసీమ వాడిని కాదు, కానీ ఒకింత కారంగా ఉండే వారి వంటలు మమకారంతో వడ్డిస్తారు దానితో వంటకి మరింత రుచి చేకూరుతుంది అనిపిస్తుంది. ఈ రెసిపీ కూడా నేను కర్నూల్లో నా ఫ్రెండ్ వాళ్ళ ఇంట్లో రుచి చేసినదే!

వేడి వేడిగా పులగంలో పల్లీ పచ్చడి, లేదా పచ్చి పులుసు నంజుకు తినడం మాటల్లో చెప్పలేని అనుభూతి ఈ సింపుల్ కిచిడి.

రెసిపీ ప్రింట్ చేయడానికి

టిప్స్

పులగం:

ఈ పులగం పొడి పొడిగా ఉంటుంది. రాగి ముద్దలా జిగురుగా ముద్దగా ఉండదు.
ఈ పులగంలో నెయ్యి వేసుకుని తింటారు. నూనె వేసి చేస్తారు. ఇంకా పల్లీ పచ్చడి లేదా నాన్ వెజ్తో సరైన జోడీ.
ఈ పులగంకి నచ్చితే పొత్తు లేని పెసరపప్పు, అలసందలు కూడ అవాడుకోవచ్చు నేను బద్దలుగా చేసిన పొత్తు పప్పు వాడాను.

పల్లీ పచ్చడి:

నేను చేస్తున్న పల్లీ పచ్చడి కారం పులగంలోకి సరిపోయేలా ఉంటుంది. మీరు అన్నంలో తినాలనుకుంటే 3-4 మిర్చి ఎక్కువగా వేసుకోండి
మీరు పచ్చడి ఎక్కువ మోతాదులో చేసి ఫ్రిజ్లో ఉంచుకోవాలనుకున్నా 3-4 మిరపకాయలు ఎక్కువగా వేసుకోవాలి. ఫ్రిజ్లోకి చేరిన పచ్చడి చెప్పబడుతుంది కాబట్టి.