బెండకయ బజ్జీ | బెండకాయ పుల్ల కూర

Curries

ఎన్ని కొత్త రుచులొచ్చినా పల్లె వంటకాల రుచికి ఏది సాటి రాదు, అలా చెప్పాలంటే రాయలసీమ స్పెషల్ బెండకాయా బజ్జి రెసిపీ గురుంచి చెప్పాలి. పుల్లగా కారంగా వేడిగా అన్నం, జొన్న రొట్టెల, రాగి సంగటిలోకి చాలా రుచిగా ఉంటుంది.

బజ్జి అంటే మెత్తగా మెదపడం చిదమడం అని అర్ధం. దాదాపుగా ఇదే తీరు ఆంధ్రా, తమిళనాడు, కర్ణాటక ప్రాంతాల్లో కూడా చేస్తారు చిన్న మార్పులతో. ఆంధ్రులు మాత్రం దీన్ని పుల్లకూర అంటారు. నేను ఈ రెసిపీ పూర్తిగా రాయలసీమ గ్రామీణ తీరులో చేస్తున్న అందుకే మట్టి పాత్రలో చేశాను.

రాయలసీమలో దాదాపుగా ఇదే తీరులో ఇంకొన్ని బజ్జీ వంటకాలు ఉన్నాయ్. కొన్ని పొయ్యిలో కాల్చి నూరి చేస్తారు అవి మరో సారి చెప్తా.

రెసిపీ ప్రింట్ చేయడానికి

టిప్స్

ఈ బజ్జీకి కాస్త నూనె ఉంటేనే జిగురు తక్కువగా ఉంటుంది, ఇంకా రుచిగా ఉంటుంది.
ఉల్లిపాయ టొమాటో ఏదీ కూడా మరీ మెత్తగా గుజ్జులా వేగకూడదు. కేవలం మగ్గితే చాలు. అలా మగ్గితేనే బజ్జీలో ప్రతీ పదార్ధం నోటికి అందుతుంది.
లేత బెండకాయలు చాలా రుచిగా ఉంటుంది ఈ బజ్జీకి. ఇంకా బెండకాయ ముక్కలు వేసి హై ఫ్లేమ్ మీద జిగురుపోయేదాక మూత పెట్టి వేపుకోవాలి. మధ్య మధ్యన నెమ్మదిగా కలుపుకోవాలి. ఎక్కువగా కలిపితే జిగురుజిగురుగా ఉంటుంది.
బెండకాయ వేగిన తరువాతే నీరు పోసి మెత్తగా మగ్గించాలి లేదంటే జిగురు వస్తుంది. బజ్జీ దింపే సమయానికి బెండకాయ మెత్తగా మగ్గిపోవాలి, ఇంకా కాస్త నీరు ఉండాలి కూరలో అప్పుడే ఎనిపిన తరువాత కాస్త పల్చగా ఉంటుంది, అప్పుడు కలుపుకునేందుకు వీలుగా సులువుగా ఉంటుంది. లేదంటే పచ్చడిలా గట్టిగా అవుతుంది. అప్పుడు నెయ్యి వేసి కలుపుకోవాలి.
బెండకాయ బజ్జీ కాస్త పుల్లాగానే ఉంటుంది. కాబట్టి పులుపుకి తగినట్లు ఉప్పు కారం రుచి చూసి వేసుకోవాలి. లేదంటే అంత రుచిగా ఉండదు.