బెల్లం కొబ్బరి అన్నం

5.0 AVERAGE

ప్రసాదంగా, స్వీట్ తినాలనిపించినా త్వరగా చేసుకోగలిగే కమ్మని స్వీట్ రెసిపీ బెల్లం కొబ్బరి అన్నం. కొబ్బరి అనగానే తాలింపు గుభాళింపుతో ఉండే కమ్మని అన్నమో లేదా పలావ్లో గుర్తుకొస్తాయి. కానీ అదే కొబ్బరిలో బెల్లం పాకం ఉడికించిన అన్నం కలిపి తీపి అన్నం కూడా చేసుకోవచ్చు. చాలా రుచిగా ఉంటుంది.

చూడ్డానికి తెలుగు వారు చేసే చక్కర పొంగలిలా అనిపిస్తుంది, కానీ రుచి భిన్నం. చేసే తీరు చెక్కరపొంగళి కంటే సులభం! (చెక్కెర పొంగలి రెసిపీ లింక్)

బెల్లం కొబ్బరన్నం రెసిపీ పుట్టుక వెనుక ఒక చిన్న కథ ఉంది. ఒక సారి కొబ్బరి హల్వా చేసి భోజనంలో వడ్డించారు, ఆ పక్కనే తెల్ల అన్నం కూడా ఉంది కంచంలో కాస్త కొబ్బరి హల్వాతో తెల్ల అన్నం కలిసింది. ఆ ముద్ద చాలా రుచిగా అనిపించింది. అప్పుడు అవును కదా ఇలా ఎందుకు చేయకూడదు అనిపించి చేసిన రెసిపీ.

రెసిపీ ప్రింట్ చేయడానికి

టిప్స్

బెల్లం:

నేను బెల్లం వాడాను నచ్చితే పంచదార కూడా వాడుకోవచ్చు.
కప్పు బియ్యానికి కప్పు బెల్లం సరిపోతుంది, తక్కువనిపిస్తే వేసుకోవచ్చు. నేను వాడిన బెల్లంలో ఇసుక లేదు కాబట్టి బెల్లం కరిగించి అన్నంలో కలిపేసాను. మీరు బెల్లాన్ని కరిగించి పాకం వడకట్టుకోండి
బెల్లం పాకం నురగగా మసిలితే చాలు చిక్కబడకూడదు. పాకం చిక్కబడితే అన్నానికి పట్టదు

కొబ్బరి:

పచ్చి కొబ్బరి పాకంలో వేసాక కాస్త దగ్గరగా జిగురుగా అయ్యేదాకా ఉడికిస్తే చాలు.

ఇంకొన్ని టిప్స్:

నచ్చితే ఆఖరున పచ్చ కర్పూరం వేసుకోండి.
అన్నాన్ని పలుచని కొబారి పాలు లేదా పాలతో ఉడికిస్తే కమ్మగా ఉంటుంది అన్నం.