చక్కెర పొంగలి

Sweets

4.9 AVERAGE

ప్రసాదంగా లేదా తీపి తినాలనిపించినప్పుడు తెలుగు వారి స్పెషల్ చక్కెర పొంగలి చక్కని ఎంపిక అవుతుంది. తెలుగు వారి సంప్రదాయ చక్కెర పొంగలి రెసిపీ స్టెప్ బై స్టెప్ ఇమేజెస్ ఇంకా వీడియోతో ఉంది చూడండి.

“చక్కెర పొంగలి” దక్షిణ భారతదేశం ప్రేత్యేకమైన సంప్రదాయ వంటకం. కానీ దక్షిణాదిన రాష్ట్రానికి ఒక తీరుగా చేస్తారు. తెలుగు వారు బెల్లం పాకం పట్టి ఉడికిన అన్నంలో కలుపుతారు, తమిళులు అన్నంలో పాలు కూడా చేర్చి చేస్తారు. పేరు ఒక్కటే అయినా రుచి పూర్తిగా భిన్నం.

నేను తెలుగు వారు చేసే చెక్కెర పొంగలి చెబుతున్నాను. ఇది దాదాపుగా ప్రతీ పండుగకి తెలుగు వారింట ఉండాల్సిందే! ప్రేత్యేకించి దశరా పండుగకి. పొంగలి చేయడం చాలా తేలికే అయినా కొన్ని పద్ధతుల్లో వండితేనే పొంగలికి మాంచి రంగు రుచి. లేదంటే తెల్లగా ఉండి అనుకున్న రుచి రాదు. పర్ఫెక్ట్ రుచి ఎలా వస్తుంది లాంటివన్నీ నేను టిప్స్లో వివరంగా ఉంచాను చూడండి.

రెసిపీ ప్రింట్ చేయడానికి

టిప్స్

తీపి- నచ్చితే ఒకటికి ఒకటి తీపి వేసుకోవచ్చు. నేను 1: 1 1/2 వేశాను. పొంగలికి నా తీపి కొలత చాలా బాగుంటుంది. ఇంకా నేను కొంత పంచదార, కొంత బెల్లం వేసి చేశాను. పంచదార బెల్లం కలయికల తీపి పొంగలికి మాంచి రుచి. నచ్చితే అచ్చంగా బెల్లంతోనే చేసుకోవచ్చు.

నెయ్యి- నెయ్యి నేను 8 tbsp దాకా వాడాను, నెయ్యి కొద్దిగా కొద్దిగా వేస్తూ పొంగలి సన్నని సెగ మీద ఎక్కువసేపు నిదానంగా ఉడికితే చాలా రుచిగా ఉంటుంది. అంత నెయ్యి వద్దనుకుంటే నెయ్యి తగ్గించుకోవచ్చు.