స్వీట్ కార్న్ తోటకూర గారెలు

5.0 AVERAGE

స్వీట్ కార్న్ని మెత్తగా గ్రైండ్ చేసి తోటకూర కూర కలిపి గారెలుగా తట్టి ఎర్రగా వేపి చేసే గారెలు, తక్కువ టైంలో అయిపోతుంది బెస్ట్ టీ టైం స్నాక్ అవుతుంది.

ఈ స్వీట్ కార్న్ తోటకూర గారెలు ఇన్స్టంట్ రెసిపీ. ప్రీ ప్రిపరేషన్కి 5 నిమిషాలు పడుతుంది. ఆ తరువాత మసాలాలు బియ్యం పిండి కలిపి గారెలు వేసేయడమే!

ఇంత సింపుల్ స్నాక్ రెసిపీ రుచి చూస్తే తప్పక మళ్ళీ మళ్ళీ చేసేలా ఉంటుంది రుచి. ఈ స్వీట్ కార్న్ గారెలు కరకరలాడుతూ చాలా రుచిగా ఉంటాయి.

రెసిపీ ప్రింట్ చేయడానికి

టిప్స్

స్వీట్ కార్న్:

స్వీట్ కార్న్ అయితే చాలా రుచిగా ఉంటుంది ఈ గారెలకి. ఒక వేళా మీకు స్వీట్ కార్న్ దొరకనట్లైతే లేత నాటు మొక్కజొన్న గింజలు చాలా రుచిగా ఉంటుంది. ముదురు మొక్కజొన్న గింజలు వాడితే పీచుగా ఉంటుంది గారే! ఇంకా లేత గింజల్లో పాలు కారేలా ఉండే రుచి ఉండదు ముదురు గింజల్లో!!!

తోటకూర:

ఈ గారెలకి లేత తోటకూర ఆకులు మాత్రమే వాడుకోవాలి. తోటకూర కాడలు అస్సలు వేయకండి.

వడ పిండి:

స్వీట్ కార్న్ గ్రైండింగ్కి కార్న్ లోని నీరే సరిపోతుంది. గ్రైండింగ్కి ఇబ్బందిగా అనిపిస్తే చెంచా నీరు వేసుకోండి. పిండి బరకగా రవ్వగా ఉండాలి. మెత్తగా అట్టు పిండిలా ఉండకూడదు.

పిండి ఏ కారణం చేతనైనా జారుగా అనిపిస్తే కాస్త బియ్యం పిండితో పాటు సెనగపిండి కలుపుకోండి. లేదా గారెలకి బదులు బోండాలుగా వేసుకోండి.

వెల్లులి:

నచ్చకుంటే వెల్లులి వేయకున్నా పర్లేదు

గారెలు వేపే తీరు:

బాగా వేడెక్కిన నూనెలో పిండిని కాస్త మందంగా తట్టి నూనెలో వదిలేయండి. కాసేపు కదపకుండా వదిలేసి తరువాత హై ఫ్లేమ్ మీద వేపుకోండి.

గారెల చుట్టూ బుడగలు తగ్గేదాకా వేపుకుంటే చాలు, మరీ ఎక్కువగా వేపుకుంటే గారెలు నల్ల బడతాయి!!!