తమిళనాడు స్పెషల్ వెన్న పుట్టు
నానబెట్టిన బియ్యాన్ని మెత్తగా రుబ్బి బెల్లంలో ఉడికించి దింపే సులభమైన తమిళనాడు స్పెషల్ ప్రసాదం పండుగలకు పర్ఫెక్ట్. నోట్లో వెన్నలా జారిపోయే ఈ బెల్లం స్వీట్ తమిళవారు ఎక్కువగా ప్రసాదంగా చేస్తుంటారు.
నేను చెన్నైలోని అయ్యంగార్ కుటుంబం వద్ద నేర్చుకున్నాను. చాలా సులభమైన రెసిపీ వేసేవి 4 పదార్ధాలు అంతే!
టిప్స్
బియ్యం:
-
బియ్యం కచ్చితంగా గంటకు పైగా నానాలి, తరువాత మెత్తగా రవ్వ లేకుండా గ్రైండ్ చేసుకోవాలి.
-
బియ్యంని అర కప్పు నీళ్లు పోసుకుంటూ నెమ్మదిగా మృదువుగా గ్రైండ్ చేసుకోండి
నీళ్లు:
- అర కప్పు బియ్యానికి 2 కప్పుల నీళ్లు. నీళ్లు ఇంతకంటే ఎక్కువగా పోస్తే దగ్గరపడడానికి సమయం పడుతుంది.
పచ్చిశెనగపప్పు:
- నేను పచ్చిశెనగపప్పు వాడాను మీరు పెసరపప్పు కూడా వాడుకోవచ్చు.
ఇంకొన్ని టిప్స్:
-
నచ్చితే పచ్చ కర్పూరం కొద్దిగా వేసుకోవచ్చు నేను వేయలేదు.
-
వెన్న పుట్టు తడి చేత్తో తాకితే చేతికి అంటకూడదు అందాక కలుపుతూ దగ్గరపరచాలి. కలపకుండా వదిలేస్తే అడుగుపెట్టేస్తుంది.
తమిళనాడు స్పెషల్ వెన్న పుట్టు - రెసిపీ వీడియో
Tamilnadu Special Venna Puttu | Venna Pattu
Prasadam
|
vegetarian
- Prep Time 2 mins
- Soaking Time 1 hr
- Cook Time 20 mins
- Total Time 1 hr 22 mins
- Servings 5
కావాల్సిన పదార్ధాలు
- 1/2 cup నానబెట్టిన బియ్యం
- 2 cup నీళ్లు
- 1 cup బెల్లం
- 2 tbsp నానబెట్టి పచ్చిశెనగపప్పు
- 1/4 cup పచ్చికొబ్బరి తురుము
- 1 tsp యాలకల పొడి
- 2 tsp నెయ్యి
విధానం
- నానబెట్టిన బియ్యం లో అరకప్పు నీళ్లు పోసి మెత్తని పేస్ట్ చేసుకోండి.
- బియ్యం పేస్ట్ ని నీళ్లలో కలిపి పక్కనుంచుకోవాలి.
-
నెయ్యి కరిగించి అందులో నానబెట్టిన సెనగపప్పు బియ్యం కలిపిన నీళ్లు పోసి బియ్యం చిక్కని పేస్ట్ అయ్యేదాకా కలుపుతూ దగ్గరపడనివ్వాలి.
- బియ్యం ఉడికి దగ్గర పడ్డాక బెల్లం యాలకులపొడి వేసి కలిపి మరింత చిక్కబరచాలి.
- సుమారుగా 15 నిమిషాలు కలుపుకున్నాక చేతులు తడి చేసి పుట్టు తాకితే చేతికి అంటకూడదు అందాక కలుపుతూ దగ్గరపరచాలి.
-
తడి చేతితో తాకి చూడండి చేతికి అంటకపోతే పచ్చి కొబ్బరి వేసి కలిపి దింపేసుకోండి.
Leave a comment ×
18 comments