తెలంగాణా స్టైల్ మసాలా గుడ్డు పులుసు
ఈ గుడ్డు పూలుసు చిక్కని గ్రేవీతో, పుల్లగా కారంగా అన్నం లోకి చాలా రుచిగా ఉంటుంది.
ఈ మసాలా గుడ్డు పులుసు బ్యాచిలర్స్ కూడా చాలా సులభంగా చేసేసుకోవచ్చు. ఈ గుడ్డు పులుసు అన్నం, చపాతీ, పూరి,అట్టు ఇలా ఎందులోకైనా చాలా రుచిగా ఉంటుంది.
టిప్స్
-
తెలంగాణ స్టైల్ గుడ్డు పులుసులో వేసే నువ్వులు, వేరుసెనగపప్పు, కొబ్బరి ఇవి కమ్మని చిక్కని గ్రేవీ ఇస్తుంది. నువ్వులు, పల్లీలు, కొబ్బరిని సన్నని సెగ మీద వేపాలి అప్పుడే గ్రేవీ రుచిగా ఉంటుంది.
-
నా దగ్గర కొబ్బరి పొడి ఉండి కాబట్టి వాడాను, మీరు కావాలంటే ఎండు కొబ్బరి ముక్కలు కూడా వాడుకోవచ్చు.
-
గ్రేవీ రుచి పెరగాలంటే ఉల్లిపాయలు ఎర్రగా వేగాలి అప్పుడే రుచి.
-
నువ్వులు పల్లీలని మెత్తగా వెన్నలా రుబ్బుకోవాలి, అప్పుడు ఎక్కువ గ్రేవీ వస్తుంది.
-
గ్రేవీ చల్లారుతున్న కొద్దీ చిక్కబడుతుంది, అందుకే వండేప్పుడే కాస్త పల్చగా చేసుకుంటే, చల్లారినా గ్రేవీ చిక్కదనం సరిగ్గా ఉంటుంది.
-
ఒకవేళా గ్రేవీ చిక్కగా అనిపిస్తే మరిగే నీళ్ళు పోసి సరిచేసుకోండి.
-
ఉడికించిన గుడ్లు హై-ఫ్లేమ్ మీద కలుపుతూ వేపుకుంటే చీట్లవు లేదంటే గుడ్డు పగిలి నూనె చిందుతుంది.
-
ఈ పూలుసులో చింతపండు మితంగా ఉంటే ఒక రుచి కాస్త ఎక్కువగా వేస్తే ఇంకో రుచి, పులుపు ఇష్టపడే వారు ఇంకాస్త ఉప్పు కారం వేసుకోవాల్సి ఉంటుంది.
తెలంగాణా స్టైల్ మసాలా గుడ్డు పులుసు - రెసిపీ వీడియో
Telangana Style Masala Egg Curry | Egg Gravy Recipe | Thick Masala Egg Gravy Recipe
- Prep Time 15 mins
- Cook Time 20 mins
- Total Time 35 mins
- Servings 5
కావాల్సిన పదార్ధాలు
-
పులుసు కోసం
- 5 ఉడికించిన గుడ్లు
- 1/3 cup నూనె (80 ml)
- 1/2 liter నీళ్ళు
- 2 tbsps కొత్తిమీర తరుగు
-
గ్రేవీ కోసం
- 1/4 cup వేరుసెనగపప్పు
- 1/4 cup నువ్వులు
- 1/4 cup ఎండు కొబ్బరి పొడి
- 2 tbsp ధనియాలు
- 1 tsp జీలకర్ర
- 1/4 tsp మెంతులు
- 2 పెద్దవి ఉల్లిపాయ తరుగు (150 gms)
- 1 tbsp అల్లం వెల్లూలి ముద్దా
- 1/4 tsp పసుపు
- 1 tbsp కారం
- ఉప్పు
- 200 ml చింతపండు పులుసు (60 గ్రాముల చింతపండు నుండి తీసినది)
- 1/2 liter నీళ్ళు
విధానం
- మూకుడులో వేరుసేనగపప్పు , మెంతులు వేసి ఎర్రగా లో- ఫ్లేం మీదే వేపుకోవాలి.
- వేరు శెనగపప్పు బాగా వేగాక ధనియాలు, జీలకర్ర, వేసి ఓ నిమిషం వేపుకోవాలి, ఆ తరువాత నువ్వులు వేసి చిటచిటలాడించాలి. ఆఖరున కొబ్బరి పొడి వేసి 30 సెకన్లు వేపి మెత్తని పొడి చేసుకోవాలి
-
అదే మూకుడులో నూనె వేడి చేసి అందులో ఉల్లిపాయ చీలికలు వేసి ఎర్రగా వేపుకోవాలి. (ఉల్లిపాయలు ఎర్రగా వేగితేనే గ్రేవీ కి చిక్కని రుచి) వేగిన ఉల్లిపాయల్ని మెత్తగా చేసుకున్నపొడి లో వేసుకోవాలి.
- అదే మిక్సీ జార్లో పొడితో పాటు అల్లం వెల్లూలి ముద్దా, కారం, ఉప్పు, చింతపండు పులుసు, పసుపు అన్నీ వేసి మెత్తని వెన్నలాంటి పేస్టు చేసుకోవాలి
- ఇప్పుడు ఉల్లిపాయలు వేపుకున్న నూనెలో గుడ్లకి గాట్లు పెట్టి గరిట బోర్లించి తిప్పుతూ హై ఫ్లేం మీద ఎర్రగా వేపి తీసుకోవాలి.
-
గుడ్లు వేగాక పక్కకి తీసుకుని మెత్తగా గ్రైండ్ చేసుకున్న పేస్టు వేసి నూనె పైకి తేలేదాకా వేపుకోవాలి.
- నూనె పైకి తేలాక 1/2 లీటర్ నీళ్ళు పోసి హై- ఫ్లేం మీద మూత పెట్టి బాగా ఉడుకురానివ్వాలి.
- గ్రేవీ ఉడుకుపట్టాక గుడ్లు వేసి మంట తగ్గించి మూత పెట్టి 15 నిమిషాలు ఉడకనివ్వాలి, మధ్య మధ్య లో అడుగు నుండి కలుపుకోవాలి.
-
దింపే ముందు కొత్తిమీర తరుగు చల్లుకోండి.
Leave a comment ×
6 comments