దొండకాయ ముద్ద కూర | కాస్త కొత్తగా ఇంకాస్త రుచిగా ఉండాలనుకుంటే ఆంధ్రా స్టైల్ “దొండకాయ ముద్ద కూర” ట్రై చేయండి
177 Comments
రోజూ తినే కూరలు కాస్త కొత్తగా ఇంకాస్త రుచిగా ఉండాలనుకుంటే ఆంధ్రా స్టైల్ “దొండకాయ ముద్ద కూర” ట్రై చేయండి. ఈ సింపుల్ దొండకాయ కూర స్టెప్ బై స్టెప్ ఇమేజెస్ ఇంకా వీడియోతో ఉంది చూడండి.
దొండకాయతో చేసే కూర, పచ్చడి, వేపుడు అందరికీ తెలిసినదే చేసేదే. కానీ, ఈ కూర కాస్త భిన్నంగా ఇంకాస్త రుచిగా అంటే రోజూ తిన్నా బోరు కొట్టకుండా ఉంటుంది.
ఈ దొండకాయ కూరకి ఉల్లీ- వెల్లులి రెండూ అవసరం లేదు. కావాలని వేయకపోవడం కాదు ఈ పదార్ధాలతో ఆ రెండూ అంత రుచిగా అనిపించవు. కాదు ఉండాలి అనుకుంటే వేసుకోవచ్చు. అన్నింటికంటే ఈ కూర చాలా త్వరగా అయిపోతుంది.
రెసిపీ ప్రింట్ చేయడానికి 
టిప్స్
దొండకాయ:
-
దొండకాయలు లేతగా ఉంటే కూర చాలా రుచిగా ఉంటుంది.
-
దొండకాయలు కుక్కర్ లో హై-ఫ్లేమ్ మీద ఒకే కూత వచ్చేదాక మాత్రమే ఉడికించి స్టవ్ ఆపేయాలి. లేదంటే దొండకాయ ముక్కలు మరీ మెత్తగా ఉడికి చిదురుగా అయిపోతాయ్.
కొబ్బరి:
- దొండకాయ ముద్ద కూరకి పచ్చి కొబ్బరి రుచి చాలా బాగుంటుంది. ఎండు కొబ్బరి రుచిగా ఉండదు.
బెల్లం:
- ఆఖరున వేసే ఆ కొద్ది బెల్లం ఉప్పు, పులుపు, తీపిని చక్కగా బాలెన్స్ చేస్తుంది. నచ్చకుంటే వదిలేయవచ్చు.
దొండకాయ ముద్ద కూర | కాస్త కొత్తగా ఇంకాస్త రుచిగా ఉండాలనుకుంటే ఆంధ్రా స్టైల్ “దొండకాయ ముద్ద కూర” ట్రై చేయండి - రెసిపీ వీడియో
Tindora Curry recipe | Dondakaya curry | Best Curry for Roti & Chapati | How to make Dondakayya Curry
Veg Curries
|
vegetarian
Prep Time 5 mins- Cook Time 20 mins
- Total Time 25 mins
Servings 6
కావాల్సిన పదార్ధాలు
- 300 gms లేత దొండకాయ ముక్కలు (పొడవుగా సన్నగా చీరినవి)
- ఉప్పు
- 1/4 tsp పసుపు
- నీళ్ళు – ముక్కలు మునిగేదాక
-
కొబ్బరి కారం కోసం
- 1 tsp ఆవాలు
- 1 tbsp మినపప్పు
- 1 tbsp పచ్చి శెనగపప్పు
- 1 tsp జీలకర్ర
- 7 - 8 ఎండు మిర్చి
- పచ్చి కొబ్బరి – సగం చిప్ప
-
కూర కోసం
- 2 tbsp నూనె
- 1/2 tsp ఆవాలు
- 1 రెబ్బ కరివేపాకు
- 1/2 cup చింతపండు పులుసు (125 ml)
- కొద్దిగా ఉప్పు
- బెల్లం – కొద్దిగా
విధానం
-
సన్నగా పొడవుగా చీరుకున్న దొండకాయ ముక్కలులో ఉప్పు, పసుపు, ముక్కలు మునిగేదాక నీళ్ళు పోసి కుక్కర్ మూత పెట్టి హై-ఫ్లేమ్ మీద ఒక విసిల్ రానిచ్చి దింపేయండి
-
కొబ్బరి కారం కోసం ఉంచిన పదార్ధాలు ఒక్కోటిగా అంటే ఆవాలుతో మొదలు పెట్టి ఆఖరున కొబ్బరి వేసి ఎర్రగా వేపుకోవాలి. చల్లారాక పొడి చేసుకోవాలి
-
నూనె వేడి చేసి ఆవాలు కరివేపాకు వేసి వేపుకోవాలి
-
బారకగా రుబ్బుకున్న కొబ్బరి కారం వేసి ఒక నిమిషం వేపి చింతపండు పులుసు పోసి నూనె పైకి తేలేదాక ఉడికించుకోవాలి
-
నూనె పైకి తేలాక ఉడికించున్న దొండకాయ ముక్కలు వడకట్టి పులుసులో వేసి నెమ్మదిగా పట్టించి మూత పెట్టి 4-5 నిమిషాలు మగ్గించాలి
-
ఆఖరున దింపే ముందు కొద్దిగా బెల్లం వేసి కలిపి దింపేసుకోవాలి.
Leave a comment ×
177 comments