తిరువదిరాయ్ కలి

Prasadam

4.8 AVERAGE

కందిపప్పు పెసరపప్పుని వేపి బియ్యంతో కలిపి రవ్వగా చేసి బెల్లం పాకంలో దగ్గరగా ఉడికించే దాన్ని కలి అంటారు తమిళులు. ఈ కలి ప్రసాదం తమిళనాడు చిదంబర ఆలయంలో నటరాజ స్వామికి కామ సుందరి అమ్మకి ధనుర్మాసంలో వచ్చే ఆరుద్రా నక్షత్రం నాడు ఇంకా పూర్ణిమకి ప్రేత్యేకంగా నివేదన చేస్తారు.

తిరువాదిరై అంటే తమిళంలో ఆరుద్రా నక్షత్రం. ఈ నక్షత్రం మహా శివుని నక్షత్రం. ధనుర్మాసంలో వచ్చే ఆరుద్రా నక్షత్రం నాడు పార్వతిదేవి కఠోర తపస్సు చేత పరమశివుడిని భర్తగా పొంగలిగింది. అందుకే ధనుర్మాసంలో వచ్చే ఆరుద్రా నక్షత్రం రోజున చిదంరంలోని నటరాజుకి కామసుందరికి వివాహం చేసి ఈ కలి ప్రసాదాన్ని నివేదిస్తారు. అందుకే ఈ ప్రసాదం తిరువాదిరై కలి అయ్యింది.

కమ్మని నెయ్య బెల్లం పాకంలో వండిన పప్పు అన్నం చాలా సులభంగా అయిపోయే కమ్మని ప్రసాదం. ఈ ప్రసాదం మీరు ఏ పండుగకైనా చేసుకోగలిగేలా ఉంటుంది. కలి ప్రసాదం తమిళనాడులో దాదాపుగా అందరికీ తెలుసు ఎంతో ఇష్టంగా పండుగలకు చేసుకుంటుంటారు.

కలి ప్రసాదం చేయడానికి కొన్ని కచ్చితమైన కొలతలు ఉన్నాయ్ అవన్నీ వివరంగా కింద టిప్స్లో ఉన్నాయ్ చుడండి.

రెసిపీ ప్రింట్ చేయడానికి

టిప్స్

కందిపప్పు & పెసరపప్పు :

పప్పు సన్నని సెగ మీద మాంచి సువాసన వచ్చేదాకా కలుపుతూ వేపుకోవాలి అప్పుడే మంచి సువాసన.

పప్పులు రెండూ కలిపి తీసుకున్న బియ్యంలో సగం ఉండాలి.

పాకం:

బెల్లం పాకం లేత జిగురు పాకం ఉండాలి అప్పుడే ఉడికిన అన్నం పాకం పీల్చుకుంటుంది, లేదా గట్టిగా అయిపోతుంది.

ప్రసాదం రుచిగా రావాలంటే:

ప్రసాదం చూడ్డానికి అన్నం ఉడికంచి పాకంలో కలిపేయడం లాగానే ఉంటుంది. కానీ ప్రసాదం నెమ్మదిగా కొద్దికొద్దిగా నెయ్యి వేసుకుంటూ దగ్గరగా నిదానంగా అడుగుపెట్టకుండా కలుపుతుంటేనే మాంచి ఎర్రటి రంగులోకి వస్తుంది. చూడ్డానికి కూడా ఆకర్షణీయంగా ఉంటుంది.

సరైన కొలతలు:

ఈ కలి ప్రసాదానికి బియ్యం, పచ్చికొబ్బరి తురుము, నెయ్యి సమానం ఉండాలి. బెల్లం బియ్యం పప్పుకి కలిపిన దానికి రెండింతలు ఉండాలి.