ఉడుపి హోటల్ స్టైల్ చపాతీ కూర్మ | ఉడుపి హోటల్ కూర్మ

5.0 AVERAGE

చపాతీ పూరీ సెట్ దోశా ఇలా ఎందులోకైనా ఎంతో రుచిగా ఉండే మసాలాలూ లేని కూర్మ కావాలంటే ఉడుపి హోటల్ స్టైల్ కూర్మ పర్ఫెక్ట్!!! అన్నీ అందరిళ్ళలో ఉండే పదార్ధాలతో తయారయ్యే పరమ సింపుల్ కుర్మా స్టెప్ బై స్టెప్ ఇమేజెస్ ఇంకా వీడియోతో ఉంది చూడండి.

చపాతీ పూరీలలోకి ఎప్పుడూ మసాలా కూర్మనే కాదు అంతకంటే రుచికరమైన కుర్మా ప్రేత్యేకంగా ఉడుపి హోటేల్స్ లో ఇచ్చే మిక్స్ వెజ్ కూర్మ. ఈ కూర్మ లో అల్లం వెల్లులి ఉండదు, అయినా ఘుమఘుమలాడిపోతూ చాలా రుచిగా ఉంటుంది.

ఈ కూర్మ వండుతుంటే ఇల్లంతా సువాసనలే! ఉడుపి హోటల్ స్టైల్ కూర్మ కోసం కొన్ని టిప్స్

రెసిపీ ప్రింట్ చేయడానికి

టిప్స్

కూరగాయలు నూనెలోనె పూర్తిగా మెత్తగా అయ్యేదాక వేపకూడదు, అలా వేపితే కుర్మా తయారయ్యేపాటికి గుజ్జుగా అవుతుంది

మిరపకాయలు:

ఈ కూర్మకి కచ్చితంగా బైడగీ మిరపకాయలు, లేదా కాశ్మీరీ మిరపకాయలు ఉండాలి అప్పడే కూర్మకి ఎర్రటి రంగు పరిమళం. మామూలు కారం గల మిరపకాయలు వాడితే కూరకి కారం వస్తుంది కానీ, పరిమళం ఎర్రటి రంగు రాదు.

చింతపండు పులుసు:

చింతపండు పులుసు కూర్మలో తెలిసి తెలియనట్లు ఉండాలి, పులుసుల మాదిరి ఎక్కువగా పోయాకూడదు

బెల్లం:

ఉడిపి హోటల్ స్టైల్ కూర్మ అంటేనే తెలిసి తెలియనట్లు తీపి ఉంటుంది. ఆ తీపి కూర్మ రుచిని పెంచుతుంది. అందుకే ఆఖరున కొద్దిగా బెల్లం వేస్తారు