వెనీలా ఐస్క్రీమ్ బర్ఫీ

Sweets

4.6 AVERAGE

స్వీట్ షాప్స్లో దొరికే కొన్ని స్వీట్స్ చిన్న చిన్న చిట్కాలు పాటిస్తే ఎవ్వరైనా బెస్ట్గా చేయవచ్చు అనడానికి ఉదాహరణ వెనీలా ఐస్క్రీమ్ బర్ఫీ రెసిపీ. రెసిపీ పేరు వినడానికి చాలా కొత్తగా ఆకర్షణీయంగా అనిపించవచ్చు. కానీ, చాలా సింపుల్ రెసిపీ. వెనీలా ఫ్లేవర్తో నోట్లో వేసుకుంటే ఐస్క్రీమ్లా కరిగిపోతుంది ఈ ఐస్క్రీమ్ బర్ఫీ.

ఈ బర్ఫీ తింటుంటే వెనీలా ఐస్క్రీమ్ తింటున్నట్లు ఉండదు కానీ, ఐస్క్రీమ్ అంత మృదువుగా కరిగిపోయేలా ఉంటుంది. రెసిపీ కొంచెం మిల్క్ మైసూర్ పాక్కి దగ్గరగా ఉంటుంది, కానీ ఆ రుచి ఈ బర్ఫీకి రాదు.

ఎంతో సులభమైన ఈ బర్ఫీ రంగు సాధ్యమైనంత తెల్లగా ఉండాలి, నోట్లో పెట్టుకుంటే మృదువుగా ఉండాలి. అలా అవన్నీ కచ్చితంగా రావాలంటే తప్పక టిప్స్ చూడండి.

రెసిపీ ప్రింట్ చేయడానికి

టిప్స్

పర్ఫెక్ట్ బర్ఫీకి కొన్ని టిప్స్:

బర్ఫీ ఎంత తెల్లగా ఉంటే అంత పర్ఫెక్ట్గా తయారైనట్లు. అలాగే ఎంత మృదువుగా ఉంటే పాకం అంత కచ్చితంగా పట్టినట్లు. ఈ ఐస్క్రీమ్ బర్ఫీకి ఈ రెండు ఎంతో ప్రధానమైనవి.
పాకం ముదిరితే బర్ఫీ గట్టిగా అయిపోయి మృదుత్వనాన్ని కోల్పోతుంది. రుచి బాగానే ఉన్నా అసలైన బర్ఫీలా ఉండదు.

బర్ఫీ రంగు మారకుండా ఉండాలంటే:

నాన్ స్టిక్ పాన్ వాడడం మేలు. ఇంకా ముకుడులో పాల పిండి ముద్ద వేశాక సన్నని సెగ మీద ముకుడు అంతా అన్నీ వైపులా బర్ఫీ తయారయ్యేదాకా తిప్పుతూనే ఉండాలి. అప్పుడే రంగు మారదు.
ఇంకా బర్ఫీని హై ఫ్లేమ్ మీద కలిపితే అడుగుపట్టి రంగు మారుతుంది. బర్ఫీ ఉండ కట్టేదాకా సన్నని సెగ మీద కలపాలి.
బర్ఫీలోంచి చిన్న ముద్ద వేళ్ళ మధ్యన నలిపితే ఉండ కట్టాలి, అలా ఉండ కడితే బర్ఫీ తయారైనట్లే. ఆ తరువాత స్టవ్ ఆపేసి మరో రెండు నిమిషాలు తిప్పితే వేడి వదిలి మౌల్డ్లో పోసాక కూడా రంగు మారదు.

వెనీలా షుగర్:

ఐస్క్రీమ్ బర్ఫీ రంగు మారకుండా ఉపయోగపడే పదార్ధం వెనీలా షుగర్. ఈ వెనీలా షుగర్ సూపర్ మార్కెట్స్లో చాలా సులభంగా దొరికేస్తుంది. ఒక వేళ లేనట్లైతే వెనీలా ఎసెన్స్ వేసుకోండి, కానీ కాస్త రంగు మారుతుంది బర్ఫీ.

ఐస్క్రీమ్ బర్ఫీ గురుంచి కొన్ని విషయాలు:

ఐస్క్రీమ్ బర్ఫీకి తీపి కొంచెం ఎక్కువగానే ఉంటుంది, కావాలంటే తీపి తగ్గించుకోండి. కానీ నెయ్యి తగ్గితే గట్టిగా ఉంటుంది బర్ఫీ .