వంకాయ మునక్కాడ పులుసు | వంకాయ మునక్కాడ కర్రీ రెసిపీ

Curries

వంకాయ మునక్కాడ పులుసు చిక్కని కమ్మని పులుసు ఎంత తిన్నా ఇంకా తినాలనిపిస్తుంది. వంకాయతో ఎప్పుడు చేసే వేపుడు కూర కాకుండా ఇలా పులుసు చేసి చుడండి సూపర్ హిట్ అంతే చేసిన ప్రతీ సారి.

ఈ వంకాయ మునక్కాడ పులుసు వేడి నెయ్యి అన్నంతో మరింత రుచిగా అనిపిస్తుంది.

చింతపండు లేదా పుల్లని పదార్ధాలు వాడి పలుచగా జారుగా చేసే దాన్ని పులుసు అంటారు. అలాంటి పులుసులు దక్షిణాది వారికి లెక్క లేనన్ని. అందుకే దాదాపుగా ప్రతీ కాయ కూరల తో పులుసులు తింటుంటారు.

ఈ వంకాయ మునక్కాడ పులుసు కూడా దాదాపుగా అన్ని పులుసులు మాదిరే కానీ కొంచెం భిన్నంగా ఉంటుంది, ఆ భిన్నత్వం ఇంకా వంకాయ మునక్కాయ కలియక సరికొత్త రుచినిస్తుంది. మరిన్ని వివరాల కోసం కింద టిప్స్ చుడండి.

రెసిపీ ప్రింట్ చేయడానికి

టిప్స్

వంకాయ:

• సాధారణంగా పులుసులకి ముళ్ల వంకాయలు అంటే నీలం తెలుపు కలగలుపుగా ఉండే లేత గుత్తి వంకాయలు మరింత రుచిగా ఉంటాయి. తెల్ల లేదా ముదురు నీలం రంగు వంకాయలు కాస్త వగరుగా ఉంటాయి. ముళ్ళ వంకాయలు దొరకనప్పుడు తెలుపో నలుపో ఏదో ఒక వంకాయ వాడుకోండి. లేదా నీలం రంగు పొడవు వంకాయలు వాడుకోండి.

• నేను నీలం తెలుపు కలగలుపుగా ఉండే ముళ్ల వంకాయలని వాడుతున్నాను. వంకాయలని 4 భాగాలుగా చీరి ఉప్పు నీటిలో వేసి ఉంచితే రంగు మారవు.

మునక్కాయ:

నార తీసిన ముక్కాయ ముక్కలు కూడా కడిగి నీళ్లలో వేసి ఉంచుకోండి

పులుసు:

పులుసు నిదానంగా మరగాలి అప్పుడు పులుసులో సారమంతా ముక్కలల్కి పట్టి రుచిగా ఉంటుంది.

కొబ్బరి:

నేను కొంచెం పచ్చి కొబ్బరి వేశాను దీని వలన పులుసుకి కమ్మదనం వస్తుంది

బెల్లం:

పులుసులో ఆఖరున వేసే బెల్లం పులుసులో ఉప్పు పులుపు కారాన్ని చక్కగా బేలన్స్ చేస్తుంది.