సేమియా కిచిడి

Breakfast Recipes

నేతిలో ఎర్రగా వేపిన సేమియా రవ్వలో కొన్ని కాయకూర ముక్కలు మటన్ మసాలా లేదా గరం మసాలా వేసి ఉడికించే సేమియా ఉప్మానే తమిళనాడులో సేమియా కిచడి లేదా సేమియా కిచిడి అని అంటారు.

అందరికి తెలిసిన సేమియా ఉప్మా మాదిరే ఈ సేమియా కిచిడీ కూడా. కానీ రుచి సువాసన భిన్నంగా ఉంటుంది. పొద్దున్నే టిఫిన్కి లేదా సాయంత్రాలు స్నాక్గా, లేదా త్వరగా అయిపోయే లంచ్ బాక్సుల రెసిపీ కావాలనునప్పుడు పర్ఫెక్ట్.

తమిళనాడు సింపుల్ సేమియా కిచడిలో ఆఖరున వేసే మతం మసాలా పొడి, పుదీనా తరుగు రెసిపీకి సరికొత్తగా రుచిని సువాసనని ఇస్తుంది. సేమియా కిచడి మీకు మద్రాస్లో ఏ టిఫిన్ సెంటర్కి వెళ్లినా దొరుకుతుంది. ఈ మధ్య మధ్యాన్నం వెరైటీ రైస్తో పాటు సేమియా కిచడి కూడా సర్వ్ చేస్తున్నారు.

వేడిగా సేమియా కిచడి పైన కాసింత నిమ్మరసం పిండుకుని కారం పొడి లేదా ఏదైనా ఊరగాయ నిమ్మకాయ పచ్చడితో చాలా రుచిగా ఉంటుంది.

రెసిపీ ప్రింట్ చేయడానికి

టిప్స్

సేమియా:

సేమియాని నేతిలో నెమ్మదిగా విరగకుండా లేత బంగారు రంగు వచ్చేదాకా వేపుకోవాలి. మరీ ఎక్కువగా కలిపిస్తే కిచిడి తయారయ్యే పాటికి పేస్ట్లా అయిపోతుంది.

ఇంకొన్ని టిప్స్:

కలర్ కావాలనుకుంటే పసుపు వేసుకోవచ్చు. నేను వేయలేదు.
ఇక్కడ సేమియాకి బదులు కేవలం రవ్వని వేపి ఇదే తీరులో కప్పుకి మూడు కప్పులు నీళ్లు పోసి కూడా చేసుకోవచ్చు.
నేను ఫ్రోజెన్ బటాణీ వాడాను, మీరు తాజా బటాణీ వాడుకోదలిస్తే ఉల్లిపాయ వేగేప్పుడే వేసి వేపుకోవాలి.
ఫ్లేవర్ కోసం ఆఖరున నేను రెడీమేడ్గా దొరికే మటన్ మసాలా వేసాను. అందుబాటులో లేని వారు గరం మసాలా వేసుకోండి.