కందా బచ్చలి

Curries

5.0 AVERAGE

ఉల్లి వెల్లులి లేని ఆంధ్రుల సంప్రదాయ వంటకం కందా బచ్చలి కూర. ఏదో నాలుగు ముద్దలు తిని లేద్దాం అనుకున్న వారితో కూడా తెలుగు వారి కందా బచ్చలి కూర కడుపు నింపేస్తుంది.

ఉల్లి వెల్లులి వాడకపోవడం వల్ల ఇప్పటికీ కొన్ని సంప్రదాయ పెళ్ళిళ్ళలో శుభకార్యాలలో కందా బచ్చలి ఉండాలండి అని పట్టు మరీ భోజనాల్లో వడ్డిస్తారంటే అర్ధం చేసుకోవచ్చు కందా బచ్చలి కూర అంటే ఆంధ్రులకి ఎంత ఇష్టమో!!! కందా బచ్చలి కూరతో ఘాటైన ఆవా తాలింపు పెట్టి చేసే ఈ ముద్ద కూర వేడి నెయ్యి అన్నంతో చాలా రుచిగా ఉంటుంది. ఆంధ్రులు కందా బచ్చలి కూర దాదాపుగా ఒకేలా చేసినా చేతికి ఇంటికి ప్రాంతానికి చిన్న మార్పులే తప్ప పెద్ద మార్పులేమీ ఉండవు.

తెలుగు వారి కందా బచ్చలి సంప్రదాయ రుచి రావాలంటే చేసే ముందు ఒక్క సారి టిప్స్ చూడండి.

రెసిపీ ప్రింట్ చేయడానికి

టిప్స్

కందా:

1.కంద చాలా రకాలు ఉన్నాయి. ఏ రకం కందగడ్డ అయినా పర్లేదు. కానీ ఉడికించెప్పుడు కంద ముక్కలు కాస్త పెద్దగా ఉంచుకోవాలి లేదంటే మరీ మెత్తగా ఉడికిపోతాయ్.

2.కందని పూర్తిగా అంటే మరీ మెత్తగా గుజ్జుగా ఉడికించుకోకూడదు. ముక్క కాస్త నోటికి తెగిలేలా ఉండాలి. అంటే ఆలూ గడ్డ ముక్కలు మాదిరి ఉడికితే చాలు.

3.ఉడికిన కందని కచ్చాపచ్చాగా ఎనుపుకోవాలి.

బచ్చలి ఆకు:

1.బచ్చలి ఆకు కాడలు లేతగా ఉంటే రెండూ వాడుకోవచ్చు. బచ్చలి ఆకు కాడలు ముదిరితే వాడకపోవడమే మేలు.

ఇంకొన్ని విషయాలు:

తాలింపు:

2.కందా బచ్చలికి తాలింపు ఎంతో ముఖ్యం. తాలింపు కాస్త ఎక్కువగా ఉండాలి, ఇంకా తాలింపు కరకరలాడుతూ ఉండాలి. అందుకే తాలింపు సామనంతా దగ్గర ఉంచుకుని ఒక్కోటిగా వేసుకుంటూ వేపుకుంటే పర్ఫెక్ట్ తాలింపు తయారు.

ఆవాలు:

3.కందా బచ్చలికి ఆవాల పేస్ట్ ఉంటేనే రుచి. నచ్చకుంటే వదిలేవచ్చు. ఆవాల పేస్ట్ వేపనక్కర్లేదు. ఆఖరున కూరలో కలిపితేనే ఆ ఘాటు కూరకి పట్టి రుచిగా ఉంటుంది

పచ్చిమిర్చి:

4.పచ్చిమిర్చి నూనెలో వేపి వేసేకంటే సన్నని తరుగు పచ్చిగా వేస్తేనే రుచిగా ఉంటుంది.

కూర:

ఎప్పుడైనా కందా బచ్చలి కూర తయారయ్యాక కనీసం ఒక గంట అయినా రెస్ట్ ఇవ్వాలి అప్పుడు కూరకి ఆవాల ఘాటు పట్టి ఎంతో రుచిగా ఉంటుంది.