సేమియా కట్లెట్స్
అటుకులు ఉడికించిన ఆలూ ఇంకొన్ని కాయకూరల ముక్కాల తరుగు వేసి సేమియా అద్ది నూనెలో ఎర్రగా వేపిన వెజ్ కట్లెట్స్ ఒకటి తిని ఆపడం తరం కాదు, అంత రుచిగా ఉంటాయి.
ఈ సేమియా కట్లెట్స్ బయట కరకరలాడుతూ లోపల మృదువుగా ఎంతో రుచిగా ఉంటాయి, ఇవి పార్టీ స్టార్టర్ లేదా ముందే చేసి ఫ్రిజ్లో ఉంచుకుంటే సాయంత్రాలు టీ టైం స్నాక్గా పర్ఫెక్ట్!!!
ఈ సేమియా కట్లెట్స్ వెడ్డింగ్స్ స్పెషల్గా కేటరర్స్ మెన్యులో చేర్చేసారు, ఇంకా స్వీట్ హౌస్లో కూడా దొరుకుతుంది. నేను స్వీట్ హౌస్లో చేసే తీరు లేదా వెడ్డింగ్స్లో చేసే తీరు కాకుండా చాలా సులభంగా అందరూ ఇంట్లో చేసుకునే తీరులో మార్చాను
మీరు ఈ రెసిపీని కూడా ఇష్టపడవచ్చు. పనీర్ పాప్ కార్న్
మీకు స్వీట్ హౌస్ తీరు కావాలనుకుంటే కింద టిప్స్ చుడండి.
టిప్స్
కట్లెట్స్:
- షేప్ మీరు ఎలాగైనా చేసుకోవచ్చు. నేను బుల్లెట్స్ చేసాను. మీరు హార్ట్ షేప్, ఒవెల్ షేప్ లేదా చతుర్భుజం ఆకారం ఎలాగైనా చేసుకోవచ్చు.
కట్లెట్స్ మిశ్రమం:
- నేను మెత్తగా నానబెట్టిన అతుకుల్లో ఉడికించిన ఆలూ తురుము ఇంకొన్ని కయ కూరలు వేసి చేశాను. మీరు ఇక్కడ అటుకులకి బదులు ఎక్కువగా ఆలూ ఇంకా కొంచెం పనీర్ ముక్కలు లేదా తురుము వేసి కూడా చేసుకోవచ్చు.
సేమియా:
-
ఈ కట్లెట్స్ పైన అద్దడానికి సన్నని సేమియా వాడుకోవాలి. ముస్లిమ్స్ షీర్ కుర్మాకి వాడే సన్నని వేపని సేమియా దొరుకుతుంది అది అయితే పర్ఫెక్ట్.
-
ఒక వేళ అలాంటి సన్నని సేమియా దొరకనట్లైతే మాములు సేమియా వేపనిది వాడుకోండి.
-
సేమియా ¼ ఇంచ్ ముక్కలుగా నలుపుకొండి. అంత కంటే సన్ననివి అయితే వేగాక నోటికి తెలియదు.
వేపే తీరు:
-
బుల్లెట్స్ చేశాక వేడెక్కిన నూనెలో వేసి కదపకుండా 2 నిమిషాలు మీడియం ఫ్లేమ్ మీద వదిలేయండి. అప్పుడు సేమియా వేగి కట్లెట్స్కి అంటుకుంటుంది.
-
కట్లెట్స్ లేత బంగారు రంగు వచ్చేదాకా మీడియం ఫ్లేమ్ మీద వేపుకోండి ఆ తరువాత హై ఫ్లేమ్ మీద వేపుకుంటే క్రిస్ప్గా మాంచి ఎర్రటి రంగులో వేగుతాయ్.
ఇలా చేసి ఉంచుకోవచ్చు:
- కట్లెట్స్ అంతా తయారుచేసి జిప్ లాక్ లేదా ఎయిర్టైట్ డబ్బాల్లో పెట్టి ఫ్రీజర్లో ఉంచుకుంటే కనీసం 15 రోజులు నిల్వవుంటాయ్. ఎప్పుడు కావాలంటే అప్పుడు తీసి చల్లనివే నూనెలో వేపి తీసుకోవచ్చు.
ఆఖరుగా:
- ఈ కట్లెట్స్ వేడి మీద చాలా రుచిగా ఉంటాయి, అని గుర్తుంచుకోండి.
సేమియా కట్లెట్స్ - రెసిపీ వీడియో
Crispy Semiya Veg Cutlets | Semiya Cutlets | Vegetable Cutlets
- Prep Time 10 mins
- Cook Time 25 mins
- Total Time 35 mins
- Serves 5
కావాల్సిన పదార్ధాలు
-
కట్లెట్స్ కోసం:
- 1 Cup మందం అటుకులు
- 2 మీడియం సైజు ఉడికించిన ఆలూ
- 1 tbsp పచ్చిమిర్చి సన్నని తరుగు
- 2 tbsp ఉల్లిపాయ తరుగు
- 3 tbsp ఫ్రోజెన్ కార్న్
- 3 tbsp సన్నని కేరట్ తురుము
- 2 tbsp కాప్సికం తరుగు
- 1/4 tbsp చాట్ మసాలా
- 1/2 tbsp మిరియాల పొడి
- ఉప్పు (రుచికి సరిపడా)
- 1/2 tbsp కారం
- 2 tbsp కొత్తిమీర తరుగు
- 1 tbsp నిమ్మరసం
- నూనె (వేపుకోడానికి)
-
కోటింగ్ కోసం:
- 1/4 Cup మైదా
- 1/3 Cup నీరు
- 1/2 Cup సెనగపిండి
- 150 gm సన్నని సేమియా
విధానం
- అటుకులని జల్లించి నీళ్లతో బాగా తడిపి 15 నిమిషాలు వదిలేస్తే అటుకులు బాగా మెత్తబడతాయ్. తరువాత చేత్తో బాగా మెత్తగా నిలపాలి.
- తరువాత మెత్తగా ఉడికించిన ఆలూని తురుము వేసుకుంటే గడ్డలు ఉండవు.
-
కట్లెట్స్ కోసం ఉంచిన మిగిలిన సామాగ్రీ అంతా వేసి గట్టిగా పిండుతూ కలుపుకోండి
- మైదాలో నీరు, కొద్దిగా ఉప్పు వేసి పలుచని మజ్జిగ మాదిరి చేసుకోండి, సెనగపిండిలో ఉప్పు వేసి కలిపి పక్కనుంచుకోండి. సేమియాని నలిపి పక్కనుంచుకోండి
- కలుపుకున్న కట్లెట్స్ మిశ్రమంని నచ్చిన ఆకారంలో తట్టుకొండి.
-
తరువాత ముందు మైదాలో కట్లెట్ తడిచేలా ముంచి ఆ తరువాత సెనగపిండిలో రోల్ చేయండి అప్పుడు తడిపొడిగా ఉంటుంది కట్లెట్, ఆ సమయంలో సేమియాలో రోల్ చేసి అవసరమైతే సేమియాని అంటించండి కట్లెట్కి
- మరిగే వేడి నూనె మంట తగ్గించి తయారు చేసుకున్న కట్లెట్స్ కొన్ని వేసి మీడియం ఫ్లేమ్ మీద కదపకుండా 2 నిమిషాలు వదిలేయండి, ఆ తరువాత నెమ్మదిగా తిప్పుకుంటూ వేపుకోవాలి
- ఈ కట్లెట్స్ వేడి పుదీనా పచ్చడి టమాటో సాస్తో చాలా రుచిగా ఉంటుంది.
Leave a comment ×
1 comments