క్రిస్పీ చికెన్ ఫ్రైడ్ రైస్

5.0 AVERAGE

ఎప్పుడూ తినే రెస్టారెంట్ స్టైల్ చికెన్ ఫ్రైడ్ కంటే కాస్త కొత్తగా ఇంకెంతో రుచిగా ఉండే ఈ దేశీ స్టైల్ చికెన్ ఫ్రైడ్ రైస్ పార్టీలకి స్పెషల్ డేస్లో చేసి చుడండి సూపర్ హిట్ అయిపోతుంది.

కరకరలాడే చికెన్ ముక్కలు అక్కడక్కడా తగులుతూ, ఘాటైన మన దేశీయమైన గుభాళింపుతో ఘాటుగా భలేగా ఉంటుంది.

ఈ క్రిస్ప్ చికెన్ ఫ్రైడ్ రైస్ నేను కొంత స్ట్రీట్ ఫుడ్ ఇంకొంత ఇండో చైనీస్ ఇంకొంచెం థాయ్ కలగలిపి నా తీరులో చేస్తున్నాను. ఇది మా ఫ్యామిలీ ఎంతో ఇష్టంగా తినే ఫ్రైడ్ రైస్. వీకెండ్స్కి మేము ఎప్పుడు బిర్యానీలు కాకుండా ఇలా చికెన్ ఫ్రైడ్ రైస్ చేసుకుంటాము.

ఈ సింపుల్ చికెన్ ఫ్రైడ్ రైస్ చేసే తీరు దాదాపుగా మాములు చికెన్ ఫ్రైడ్ రైస్ తీరే, కానీ వేసే పదార్ధాలు కాస్త భిన్నం. కొంచెం కారంగా, కొంచెం తియ్యగా, ఘాటుగా అక్కడక్కడ కారకరలాడే వేపిన పల్లెల ట్విస్ట్తో ఉంటుంది.

మీరు ఈ రెసిపీని కూడా ఇష్టపడవచ్చు పల్లీల రైస్

రెసిపీ ప్రింట్ చేయడానికి

టిప్స్

చికెన్:

లేత బోనెల్స్ చికెన్ వాడుకోండి. లేదంటే చికెన్ రబ్బరులా ఉంటుంది.
మసాలాలు పట్టించిన చికెన్ కచ్చితంగా నానని అప్పుడే ఫ్లేవర్స్ పట్టుకుంటుంది చికెన్

మారినేషన్:

చికెన్ని మసాలాలు పట్టి ఉంచడానికి నేను కార్న్ ఫ్లోర్ వాడాను. మీరు నచ్చితే కొంచెం ఎగ్ వైట్ కూడా వేసుకోండి. అప్పుడు చికెన్ కోటింగ్ అస్సలు ఊడదు, ఇంకా చికెన్ కూడా రుచిగా ఉంటుంది.
చికెన్ కోటింగ్ గట్టిగా ఉండాలి అప్పుడే కోటింగ్ ముక్కని పట్టి ఉంటుంది.

చికెన్ వేపే తీరు:

చికెన్ని మీడియం ఫ్లేమ్ మీద నిదానంగా రంగు మారే దాకా వేపుకోవాలి. చికెన్ ముక్క రంగు మారిన తరువాత హై ఫ్లేమ్లోకి పెట్టి వేపితే అప్పుడు కరకరలాడుతూ వేగుతుంది.
చికెన్ ముక్కలని హై ఫ్లేమ్ మీద వేపితే పైన రంగొస్తుంది లోపల పచ్చిగా ఉంటుంది.

అన్నం:

బాస్మతి బియ్యాన్ని ఉప్పేసి 90% ఉడికించి అన్నాన్ని వడకట్టి వెడల్పాటి పళ్లెంలో పోసి కొద్దిగా నూనె చల్లి వదిలేస్తే అన్నం పొడి పొడిగా వస్తుంది. అన్నాన్ని పూర్తిగా మెత్తగా వండకూడదు.
ఇక్కడ మీరు నచ్చితే మామూలు బియ్యం అదే రోజూ తినే బియ్యం కూడా వాడుకోవచ్చు.

ఇంకొన్ని టిప్స్:

ఈ రెసిపీని థాయ్ క్యూసిన్ ఇన్స్పిరేషన్తో కొన్ని వేపిన పల్లీలు వేశాను. కాస్త కొత్తగా అనిపిస్తుంది కానీ, రుచి చాలా బాగుంటుంది. నచ్చకుంటే వేయకపోయినా పర్లేదు
ఈ ఫ్రైడ్ రైస్ కాస్త అంటే తెలిసినంత తియ్యగా ఉంటుంది స్వీట్ చిల్లీ సాస్ వలన. కంగారు పడకండి నన్ను నమ్మండి చాలా రుచిగా ఉంటుంది ఫ్రైడ్ రైస్. వద్దనుకుంటే గ్రీన్ చిల్లి సాస్ వేసుకోండి లేదా రెడ్ చిల్లి సాస్ ఇంకొంచెం పెంచుకోండి.