డైమండ్ చిప్స్ | నమక్ పారే

Snacks

5.5 AVERAGE

సాయంత్రాలు వేడిగా టీ తాగుతున్నప్పుడు, లేదా కబుర్లు చెప్పుకుంటున్నప్పుడు పక్కనే ఉండాల్సిన స్నాక్ డైమండ్ చిప్స్. వీటినే నమక్ పారే అని కూడా అంటారు. తెలగు రాష్ట్రాలలో డీమోనడ చిప్స్ అంటుంటారు. పేరు ఎలా ఉన్నా అంతా ఒక్కటే తీరు. డైమండ్ చిప్స్ తినడం మొదలెడితే అలా తింటూనే ఉంటారు, కరకరలాడుతూ నోటికి కమ్మగా చాలా రుచిగా ఉంటాయ్.

నమక్ పారే\డైమండ్ చిప్స్ రెసిపీ చాలా సింపుల్ కానీ పిండిని కలిపి వత్తుకునే తీరు ఇంకా చిప్స్ వేపే తీరులో ఉంది. ఆ వివరాలన్నీ టిప్స్లో వివరంగా ఉన్నాయి చూడండి.

రెసిపీ ప్రింట్ చేయడానికి

టిప్స్

పిండి:

నమక్ పారే | డైమండ్ చిప్స్ అంటే మైదా పిండే వాడి చేస్తారు. మైదా వద్దనుకుంటే గోధుమ పిండి వాడుకోవచ్చు.
పిండిని గట్టిగా కలుపుకోవాలి. పిండి నానిన తరువాత కాస్త మెత్తబడుతుంది కాబట్టి. ముందే మృదువుగా పిండి కలిపితే నానిన పిండి ఇంకా పలుచన అవుతుంది.
పిండిని ఎంత పలుచగా సాధ్యమైతే అంత పల్చగా వత్తుకోవాలి, అలా వత్తితేనే చిప్స్ రుచి.
పిండిని ఎక్కువ పొడి పిండి చల్లి పలుచగా వత్తుకోవాలి అప్పుడు చిప్స్ సులభంగా వచ్చేస్తాయ్
పలుచగా చిప్స్ వత్తాక కత్తితో పిండి కింది నుండి లాగితే చిప్స్ సులభంగా ఊడివచ్చేస్తాయ్

డాల్డా | నెయ్యి :

నమక్ పారే మరింత కరకరలాడుతూ ఉండాలంటే కచ్చితంగా కొవ్వు ఎక్కువగా ఉండే డాల్డా అంత కంటే కాస్త తక్కువగా ఉండే నెయ్యి అయినా వాడితే మరింత గుల్లగా వస్తాయ్

వేపే తీరు:

చిప్స్ వేడి నూనెలో కొన్ని వేసి హై ఫ్లేమ్ మీద లేత గోధుమ రంగు వచ్చేదాకా వేపుకోవాలి. వేపిన వెంటనే తీసి జల్లెడలో వేసి ఉంచాలి అప్పుడు చల్లారే కొద్దీ మరింత కరకరలాడుతుంటాయ్.