ఈసీ రొయ్యల పులావ్
8 Comments
ఈ స్టైల్లో రొయ్యల పులావ్ చాలా సులభంగా చేసేవచ్చు. స్పెషల్ రోజులని ఇంకాస్త స్పెషల్ గా మార్చేస్తుంది.
పులావ్లు చాలా తీరుల్లో చేస్తారు. ప్రాంతాన్ని బట్టి వొక్కవరు ఒక్కో తీరుగా చేస్తారు.
ఈ రొయ్యల పులావ్ జస్ట్ రొయ్యలు వేపి టాస్ చేసి తీసుకోవాడమే! ఇలా చేసే రొయ్యల పులావ్ ఇంటికి బందువులు వచ్చినప్పుడు సులభంగా చేసేసుకోవచ్చు. జస్ట్ పొడి పొడిగా అన్నం వండి ఉంచుకుంటే చాలు.
రెసిపీ ప్రింట్ చేయడానికి 
టిప్స్
రొయ్యలు:
• ఏ రొయ్యలు అయినా రుచిగానే ఉంటాయి. నాకు నది రొయ్యలు నచ్చుతాయ్ సముద్రపు, చెరువు రొయ్యల కంటే.
• రొయ్యల లోని నీరు ఆవిరై కాస్త వేగి నూనె పైకి తేలితే చాలు. ఎక్కువగా వేపితే రొయ్యలు రబ్బరులా అవుతాయ్ .
• ఉప్పు కారాలు సరిపోను వేశాను మీకు తగినట్లుగా మార్చుకోవచ్చు.
బియ్యం:
• నేను బాస్మతి బియ్యం వాడాను. నచ్చితే సోనా మసూరి బియ్యం, లేదా పొడి పొడిగా వండుకున్న మిల్లెట్స్ కూడా వాడుకోవచ్చు
• బియ్యం ఉడికించెప్పుడు కొద్దిగా ఉప్పు వేసి ఉడికిస్తే అన్నానికి ఉప్పు బాగా పడుతుంది.
ఈసీ రొయ్యల పులావ్ - రెసిపీ వీడియో
Easy Prawns Pulao Recipe | How to make Prawns Pulav Recipe
Prep Time 5 mins- Cook Time 15 mins
- Total Time 20 mins
Servings 3
కావాల్సిన పదార్ధాలు
- 250 gms రొయ్యలు
- 220 gms బాసుమతి రైస్ (ఉప్పేసి ఉడికించి చల్లార బెట్టినది)
- 1/4 cup నూనె
- 1 tbsp నెయ్యి
- 1 ఉల్లిపాయ
- 4 పచ్చిమిర్చి
- 2 tbsps కొత్తిమీర
- 2 tbsps పుదినా తరుగు
- 1 tbsp అల్లం వెల్లూలి పేస్టు
- 1.5 tbsp కారం
- 1/2 tsp పసుపు
- 1 tsp గరం మసాలా
విధానం
-
నూనె వేడి చేసి అందులో పసుపు వేసి, ఆ తరువాత పచ్చి రొయ్యలు వేసి మీడియం ఫ్లేం మీద రొయ్యల్లోని నీరు ఇగిరి నూనె పైకి తేలేదాకా వేపుకుని ఓ బౌల్ లోకి తీసుకోండి.
-
ఇప్పుడు అదే మూకుడులో మరో 2 tsp నూనె వేసి ఉల్లిపాయ చీలికలు వేసి ఎర్రగా వేపుకోండి.
-
ఉల్లిపాయలు సగం పైన వేగాక అప్పుడు పచ్చిమిర్చి చీలికలు వేసి ఎర్రగా వేపుకోండి.
-
ఉల్లిపాయలు ఎర్రగా వేగుతుండగా అప్పుడు అల్లం వెల్లులి ముద్ద వేసి వేపి కారం, ఉప్పు, గరం మసాలా వేసి బాగా వేపుకోండి.
-
ఇప్పుడు రొయ్యలు వేసి బాగా మరో 3 నిమిషాలు వేపుకుని పొడి పొడిగా ఉడికిన్చుకున్న అన్నం వేసి బాగా కలిపి, పైన కొత్తిమీరా, పుదినా తరుగు నెయ్యి వేసి బాగా కలిపి దింపి రైతా తో సర్వ్ చేసుకోండి
Leave a comment ×
8 comments