పెసర బెల్లం కుడుములు

Andhra Specials

వినాయక చవితి అంటేనే ఎన్ని ప్రసాదాలో!!! అన్నీ రుచి, ఆరోగ్యంతో కూడుకుని ఉన్నవే. అలాంటిదే ఈ పెసర కుడుములు. విస్తారకులో చుట్టి ఆవిరి మీద ఉడికించే ఈ కుడుములు మామూలుగా కొబ్బరి బెల్లం పెట్టి చేసి చేసే కుడుముల కంటే ఎంతో రుచి ఆరోగ్యం!

గ్రామీణ ప్రాంతాలలో పసుపు ఆకులో చుట్టి ఆవిరి మీద ఉడికించి చేస్తారు ఈ కుడుములు. మేము చిన్నతనం నుండి విస్తరాకులో చుట్టి కుడుములు ఆవిరి మీద ఉడికిస్తాము. ఆకులో చుట్టి ఆవిరి మీద ఉడికిస్తే వచ్చే పరిమళం చాలా బాగుటుంది.

సాధారణంగా వినాయక చవితికి దక్షిణ భారత దేశం వారు బియ్యం పిండితో చేసే వాటిని ఎక్కువగా ప్రసాదంగా నివేదిస్తారు! వీటినే తెలుగు వారు కుడుములు అని తమిళ వారు కొలుకట్టయి అని అంటారు. అంతా ఒక్కటే కానీ లోపల స్టఫ్ఫింగ్ మార్పు అంతే!!!

రెసిపీ ప్రింట్ చేయడానికి

టిప్స్

స్టఫ్ఫింగ్ :

ముడి పెసలు మాంచి సువాసన వచ్చేదాకా కలుపుతూ వేపుకోవాలి. ఇంకా మీడియం ఫ్లేమ్ మీదే మెత్తగా ఉడికించుకోవాలి. మీడియం ఫ్లేమ్ మీద ఉడికితేనే పప్పు మెత్తగా ఉడుకుతుంది.
సాధారణంగా బెల్లం తురుము వేడి మీద కలిపితే ఆ వేడికి బెల్లం కరిగిపోతుంది. నేను మరింత రుచి కోసం బెల్లం కరిగి పూర్తిగా దగ్గర పడే దాకా కలుపుతూ ఉడికిచ్చాను దీనివల్ల చాలా రుచిగా ఉంటుంది స్టఫ్ఫింగ్.
స్టఫ్ఫింగ్ లో నేను కేవలం యాలకలపొడి మాత్రమే వేశాను పరిమళం కోసం, నచ్చితే దాల్చిన చెక్కపొడి జాజికాయ పొడి వేసినా చాలా రుచిగా ఉంటుంది.

పైపిండి:

పై పిండి మీడియం ఫ్లేమ్ మీద బియ్యం పిండి గట్టి ముద్ద అయ్యేదాక కలుపుతూ ఉడికించుకోవాలి.
నచ్చితే బ్రౌన్ రైస్ పిండి కూడా వాడుకోవచ్చు.

విస్తారకు:

ఉంటే విస్తరాకు లేదంటే అరటిఆకు కూడా వాడుకోవచ్చు. విస్తరకు పరిమళం చాలా బాగుంటుంది స్టీమ్ అయ్యాక. ఇంకా పసుపు ఆకులు, తమలపాకులు కూడా వాడుకోవచ్చు.
విస్తరాకు నీళ్ళలో ఒక నిమిషం ఉంచితే ఆకు మధ్యకి మాడిచినా చిరగదు