తాటి ముంజల పాయసం
తాటిముంజలని ముక్కలుగా చేసి పంచదార వేసి మరిగించిన పాలల్లో వేసి చల్లార్చి అందించే తమిళనాడు స్పెషల్ పాయసం రెసిపీ ఒక్క గ్లాసు తాగి ఆపితే ఒట్టు!!! నిజమండి అంత రుచి ఈ సింపుల్ తాటి ముంజలు పాయసం.
నేను కొన్ని నెలల క్రితం స్నేహితుడి పెళ్ళికి చెన్నై వెళ్ళాను అక్కడ వెల్కమ్ డ్రింక్గా ఈ నుంగు పాయసం అందించారు. చాలా రిఫ్రెషింగ్గా అనిపించింది. అక్కడ కేటరర్ని వివారాలు అడిగి తెలుసుకున్నాను. ఆ తరువాత మిగిలిన వారిని ఈ రెసిపీ గురుంచి అసలైన రెసిపీని తెలుసుకుని మీకు చెబుతున్నాను.
మీరు ఈ రెసిపీని కూడా ఇష్టపడవచ్చసేమియాపాయసం
టిప్స్
తాటి ముంజలు:
-
ఈ రెసిపీకి లేత తాటిముంజలు వాడుకుంటేనే రుచి. ముదిరిన తాటిముంజలు వాడితే రబ్బరుగా ఉంటాయి పాయసం అంత రుచిగా ఉండవు.
-
తాటిముంజలు కోస్తున్నప్పుడు వచ్చే నీరు కూడా పాయసంలో కలుపుకోవచ్చు.
పాలు:
- తీసుకున్న పాలని సగం అయ్యేదాకా మరిగించుకోవాలి.
డ్రై ఫ్రూట్స్:
- ఏదో అక్కడక్కడా తగిలితే రుచిగా ఉంటుంది కాబట్టి మీకు నచ్చిన డ్రై ఫ్యూస్ వేసుకోవచ్చు. నేను బాదాం వేశాను మీరు మరింకేదైనా వాడుకోవచ్చు.
తాటి ముంజల పాయసం - రెసిపీ వీడియో
Ice Apple Payasam | Taati Munjala Payasam
- Prep Time 1 min
- Soaking Time 1 hr
- Cook Time 20 mins
- Total Time 1 hr 21 mins
- Serves 4
కావాల్సిన పదార్ధాలు
- 5 లేత తాటి ముంజలు
- 750 ml పాలు
- 1/4-1/3 Cup పంచదార
- 2 Pinches యాలకల గింజల పొడి
- 2 tbsp బాదం పలుకులు
విధానం
- పాలని రెండు పొంగులు మీడియం ఫ్లేమ్ మీద కలుపుతూ రానివ్వాలి.
- పాలు పొంగిన తరువాత పంచదార వేసి కాస్త చిక్కబరచాలి. పాలు కాస్త చిక్కబడిన తరువాత దింపి చల్లార్చండి
-
పాలు చల్లారేలోగా తాటిముంజల పైన చెక్కు తీసుకోండి. ఆ తరువాత చిన్న పల్లీ సైజు ముక్కలుగా కోసుకోండి.
- చల్లారిన పాలల్లో తరుక్కున్న తాటిముంజల ముక్కలు యాలకుల గింజల పొడి బాదం ముక్కలు వేసి కలిపి ఫ్రిడ్జ్లో కనీసం గంటసేపు ఐన ఉంచి సర్వ్ చేసుకోండి. చాలా ఎంజాయ్ చేస్తారు మీరు.
Leave a comment ×