సేమియాపాయసం

Sweets

5.0 AVERAGE

ఎర్రగా వేపిన సేమియా నానబెట్టిన సగ్గుబియ్యంని పంచదార పాకంలో ఉడికించి కాచిన పాలు పోసి చేసే సేమియా సగ్గుబియ్యం పాయసం ఏదో ఒక రెసిపీ కాదు భారతీయులకి ఎన్నో అనుభందాలు కలబోత!!!

పండుగకి, పుట్టిన రోజుకి లేదా త్వరగా అయిపోయే స్వీట్ చేద్దామనుకున్నా అందరికి వెంటనే గుర్తొచ్చే రెసిపీ సేమియా పాయసం! నిజానికి రెసిపీ చాలా సులభం కానీ వేసే కొలతలు చేసే తీరులో పొరపాట్ల వల్లే పాయసం చల్లారాక గట్టిగా ముద్దగా అయిపోతుంది.

నా తీరు సేమియా పాయసం మీకు ఎంతో రుచిగా ఉండటంతో పాటు చల్లారినా ముద్దగా అవ్వదు. ఈ సింపుల్ సేమియా పాయసం చేయడానికి ముందు కింద వివరంగా ఉన్న టిప్స్ని ఒక్కసారి చూసి చేస్తే ఏ పొరపాటు లేకుండా పక్కాగా కుదురుతుంది పాయసం.

మీరు ఈ రెసిపీని కూడా ఇష్టపడవచ్చుపనీర్ పాయసం

రెసిపీ ప్రింట్ చేయడానికి

టిప్స్

సేమియా:

సేమియాని నేతిలో లేత బంగారు రంగు వచ్చేదాకా సన్నని సెగ మీద వేపుకోవాలి, ఏ మాత్రం ఎక్కువగా వేపినా సేమియా చేదుగా అయిపోతుంది. మార్కెట్స్లో వేపిన సేమియా కూడా దొరుకుతుంది, అది నాకు నచ్చదు అందుకే వాడలేదు. మీకు నచ్చితే మీరు కొద్దిగా నెయ్యి ఒక నిమిషం వేపి తీసుకోండి.

పంచదార&పటికబెల్లం

సేమియా పాయసం పంచదార వేసి కాచుకోవడం అందరికి తెలిసినదే, ఒక సారి కొంత పటికబెల్లం వేసి కాచి చుడండి, కచ్చితంగా నచ్చుతుంది మీకు. అందుబాటులో లేని వారు వదిలేయండి, ఉన్నప్పుడు వాడుకోండి.

సగ్గుబియ్యం:

సగ్గుబియ్యం కనీసం అర గంటైనా నానితే మెత్తగా ఉడుకుతుంది.

ఉప్పు:

పాయసం అంతా తయారై స్టవ్ ఆపేశాక ఒక్క చిన్న పలుకు ఉప్పు వేస్తే పాయసం తీపి మొహంమొత్తదు ఇంకా రుచిగా ఉంటుంది పాయసం.

డ్రై ఫ్రూట్స్:

పాయసంలో మీకు నచ్చిన డ్రై ఫ్రూట్స్ వేసుకోవచ్చు. నేను జీడిపప్పు వేయలేదు, దానికి బదులు బాదాం వేశాను. మీరు నానబెట్టిన ఛిరొంజి కూడా వేసుకోవచ్చు.

పాలు:

చిక్కని గేదె పాలతో చేసే పాయసం రుచి చాలా బాగుంటుందిపాలు మరిగేప్పుడు కొద్దిగా నీళ్లు కలిపితే పాలు అడుగుపట్టవు