రాగి రవ్వ దోశ

Breakfast Recipes

నాకెంతో ఇష్టమైన టిఫిన్స్ లో రాగి రవ్వ దోశ ఒకటి. ఎందుకంటే ఇన్స్టంట్ ఇంకా తక్కువ నూనెతో ఎర్రగా కాలుతుంది. ఆడగాలే గాని ఇన్స్టంట్ అయిపోయె దోశలు ఇంటికోటి చెప్తారు దక్షిణ భరత దేశంలో. అలా పుట్టినదే ఈ రాగి రవ్వ దోశ రెసిపీ కూడా.

రవ్వ దోశ అందరికీ తెలిసినదే, నేను ఇది వరకే రవ్వ దోశకి పర్ఫెక్ట్ టిప్స్తో పోస్ట్ చేశా చూడండి. ఈ రాగి రవ్వ దోశ కూడా దాదాపుగా మామూలు రవ్వ దోశ మాదిరే చేసుకోవాలి. కానీ వేసే పదార్ధాలు కాస్త భిన్నం అంతే!

ఈ సింపుల్ రవ్వ దోశ చేయడం చాలా తేలికే అయినా కొన్ని టిప్స్తో చేస్తేనే పల్చగా కరకరలాడుతూ వస్తుంది.

రెసిపీ ప్రింట్ చేయడానికి

టిప్స్

పెనం:

రవ్వ దోశకి పెనం చాలా ముఖ్యమైనది. కాస్ట్ ఐరన్, మందంగా ఉండే ఇనుప పెనాల మీద అట్లు ఎంతో క్రిస్పీగా వస్తాయి, మామూలు నాన్స్టిక్ పెనాల మీద వేసే అట్ల కంటే.
అట్టు పోసే ముందు పెనం అంతా సమానంగా బాగా వేడెక్కి ఉండాలి, ఇంకా మంట పెనం అంతా తగిలేలా చూసుకోవాలి. అంటే పెనం మధ్యన మంట వచ్చి అంచుల దాకా మంట చెరనట్లైతే అత్తలు మధ్యన ఎర్రగా కాలుతుంది అంచులు మెత్తగా ఉంటాయ్. కాబట్టి అట్టు పోసాక మధ్యన రంగు మారుతుండగా పెనాన్ని జరుపుణతూ అన్నీ వైపులా కాలనివ్వాలి. అప్పుడు అట్టు పర్ఫెక్ట్గా కాలుతుంది.
రవ్వ అట్టు మామూలు అట్టు కంటే కాస్త నిదానంగా కాలుతుంది కాలాలి కూడా అప్పుడే అట్టు కరకరలాడుతూ వస్తుంది. కాబట్టి మంటని అడ్జస్ట్ చేసుకుంటూ అన్నీ వైపులా పెనాన్ని జరుపుకుంటూ కరకరలాడేట్టు కాల్చుకోవాలి.

పిండి:

పిండి పలుచగా పలుచని మజ్జిగ అంత చిక్కగా ఉండాలి అప్పుడు అట్టు త్వరగా కరకరలాడేట్టు కాలుతుంది.
అట్టు పిండి అడుగునుండి కలిపి పైన తేటని మాత్రమే తీసుకుని అట్టు పోసుకోవాలి అప్పుడు పలుచన పిండి వస్తుంది.
మూడు నాలుగు అట్లు పోశాక పిండి చిక్కబడుతుంది అప్పుడు ¼ కప్పు నీళ్ళు చిటికెడు ఉప్పు వేసి కలిపి అట్టు పోసుకుంటే అట్టు పలుచగా వస్తుంది.
రాగి పిండిలో జిగురు చాలా తక్కువ అందుకే గోధుమపిండి వేశాను. మీరు కావాలంటే బియ్యం పిండి కూడా వేసుకోవచ్చు.
నేను అట్టు రుచి కోసం పిండిని పలుచని మజ్జిగతో తడిపాను, మీరు కావాలంటే అచ్చంగా నీళ్ళతో తడుపుకోవచ్చు.