రవ్వ వడ

Street Food

ఉల్లిపాయ పచ్చిమిర్చి బొంబాయ్ రవ్వ పెరుగు వేసి కలిపి నానబెట్టి పల్చగా తట్టి నూనెలో వేసి ఎర్రగా వేపి తీసే సింపుల్ వడ మీకు బెంగళూరులో ఏ టీ అంగడికి వెళ్లినా దొరుకుతుంది. సాయంత్రాలు తాగే టీతో పర్ఫెక్ట్ జోడి!!!

మీరు ఈ రెసిపీని కూడా ఇష్టపడవచ్చుమూడు పప్పుల మాసాల వడ

ఈ వడ ఎంత సింపుల్ అంటే కావాల్సిన పదార్ధాలన్నీ వేసి కలిపి తట్టి నూనెలో వేసి తీసేయడమే!!! కానీ, కొన్ని కచ్చితమైన టిప్స్ పాటిస్తే వడ విరగదు, నూనె పీల్చవు. కాబట్టి చేసే ముందు కింద టిప్స్ చుడండి.

రెసిపీ ప్రింట్ చేయడానికి

టిప్స్

ఉల్లిపాయ తరుగు:

ఈ వడకి కాస్త మందంగా ఉండే ఉల్లిపాయ చీలికలు వేసుకుంటే బాగుంటుంది.

పెరుగు:

వడ కారకరలాడడానికి ఇంకా రుచి కోసం పుల్లని పెరుగు వేస్తారు. మీకు పుల్లని పెరుగు అందుబాటులో లేకుంటే కమ్మని పెరుగు వేసి అందులో కొద్దిగా నిమ్మరసం పిండుకోవచ్చు. లేదా మామూలు పెరుగైనా వేసుకోండి.

నీరు:

సాధారణంగా ఈ వడకి నీరు అవసరం లేదు, ఉల్లిపాయల్లోంచి వచ్చే నీరు ఇంకా పెరుగులోంచి వచ్చే నీరు సరిపోతుంది. పిండి మరీ గట్టిగా ఉండి విరిగిపోతుంది అనిపిస్తే కొంచెం నీరు చల్లుకోండి.

ఈ కారణాల చేత వడ నూనె బాగా పీలుస్తుంది:

పిండి పలుచన అయినా లేదా నూనె వేడిగా లేకుండా వడ వేసినా నూనె బాగా పీలుస్తుంది అని గుర్తుంచుకోండి.

వడ విరిగిపోతుంటే ఇలా చేయండి:

సాధారణంగా రవ్వ నానితే వడ విరగడం అనేది ఉండదు, చక్కగా రవ్వ జిగురుగా ఉండి చక్కగా సాగుతుంది.
ఏ కారైనం చేతనైనా వడ విరిగిపోతుంటే కొంచెం బియ్యం పిండి వేసి కలుపుకుని వడ వేసుకోండి విరగదు.