తమిళనాడు చిలకడదుంపల పులుసు

Curries

ఘాటైన పులుసులు కారంపొడిలో చింతపండు పులుసు చిలకడదుంపల ముక్కలు వేసి సన్నని సెగ మీద చిక్కబరిచి చేసే పులుసు వేడి అన్నంతో చక్కని జోడీ.

ఏదైనా ఒక వేపుడు చేసి ఈ చిలకడదుంపల పులుసు పెట్టుకుంటే చాలు పరిపూర్ణమైన దక్షిణాది లంచ్ లేదా డిన్నర్ తయారు!!! తమిళ్లో చిలకడదుంపలని సక్కరైవల్లి అంటారు కులంబు అంటే పులుసు అని అర్ధం.

సాధారణంగా తెలుగు వారి పులుసులు చాలా సింపుల్, కాస్త పలుచగా ఉంటుంది. తమిళుల పులుసు చిక్కగా కారంగా ఘాటుగా ఉంటుంది. దక్షిణాది వారు పులుసులు ప్రియులు అందరికంటే తమిళులు మరింత ఇష్టంగా తింటారు. వారికి తప్పక ఒక కొళంబు ఉండాలి భోజనంలో!!!

ఈ చిక్కని చిలకడదుంపల పులుసు, పులుసు కారం పొడితో పాటు పర్ఫెక్ట్ కొలతలు టిప్స్తో ఉంది చుడండి.

రెసిపీ ప్రింట్ చేయడానికి

టిప్స్

చిలకడదుంపలు:

నేను కాస్త పీచు తక్కువగా ఉండే చిలకదుంపలూ వాడాను, అందుకే ఆఖరున వేసి ముక్క మెత్తబడే ఉడికించాను.

మీరు కావాలనుకుంటే చిలకడదుంపలని 80% ఉడికించి ఆఖరున పులుసులో కలిపి మరిగించుకోవచ్చు కూడా.

చిలకదుంపల ముక్కలు ఇలా కోసుకోవాలి:

దుంప ముక్కలు ½ అంగుళం మదం ఉండాలి లేదంటే ముక్క ఎక్కువసేపు మరగాల్సిన పులుసులో కలిసిపోయి చిదురైపోతుంది. అన్నంలో కలిపినా ముద్దగా అయిపోతుంది.

సాంబార్ ఉల్లిపాయలు:

ఈ పులుసుకి సాంబార్ ఉల్లిపాయల రుచి చాలా బాగుటుంది. అందుబాటులో లేని వారు ఉల్లిపాయ పెద్ద పాయలుగా చేసి వేసుకోండి.

బెల్లం:

నిజానికి చిలకడదుంపల తీపి సరిపోతుంది. నాకు పులుసు కాస్త తియ్యగా ఉండడం ఇష్టం కాబట్టి చిన్న బెల్లం గడ్డ వేసాను.

ఆఖరుగా:

పులుసులు ఎంత నిదానంగా మరిగితే అంత రుచి. దింపడానికి ముందు కచ్చితంగా పులుసులో పిలుపుని బట్టి ఉప్పు కారం రుచి చూసి దింపేసుకోండి.