వంకాయ పకోడీ

Brinjal Eggplant Recipes

తెలుగు వారి పెళ్లిళ్లలో లేదా ఏ శుభ అశుభకార్యమైన భోజనాల్లో కేటరింగ్ వారు తప్పక ఇచ్చే వంటకాల్లో ఒకటి ఈ వంకాయ పకోడీ. వంకాయ బయట బయట కరకరలాడుతూ లోపల మృదువుగా ఘాటైన మసాలా గుభాళింపుతో ఉండే ఈ రెసిపీ తెలియని తినని తెలుగు వారుండరు.

తెలుగు వారు ఎంతో ఇష్టపడే ఈ వంకాయ పకోడీ భోజనాల్లో స్వీట్ హాట్ వడ్డించిన తరువాత ఏదైనా ఫ్లేవర్ రైస్ వడ్డిస్తారు ఆ తరువాత పప్పు కూర పచ్చడి వేపుళ్ళు అన్నీ వారసపెడతాయ్. ఆ తరువాత పొగలు చిమ్మే వేడి వేడి అన్నం నెయ్యి వేస్తారు చాలా మంది పప్పు అన్నంతో నంజుకు తింటారు, నాలాంటి వారు కొంచెం పప్పన్నంతో తిని కొంచెం దాచి పెరుగన్ననికి ముందు పొసే సాంబార్ అన్నంతో తింటారు.

మీరు ఈ రెసిపీని కూడా ఇష్టపడవచ్చు స్వీట్ కార్న్ గట్టి పకోడీ

ఈ వంకాయ పకోడీ ఏదో చాలా ప్రేత్యేకమైన రెసిపీ కాదు, కానీ వేసే పదార్ధాల కలియిక గొప్ప రుచిని చేకూరుస్తుంది. ఈ సింపుల్ రెసిపీ చేసే ముందు నేను కింద ప్రతీ పదార్ధం గురుంచి వివరంగా చెప్పే టిప్స్ పర్ఫెక్ట్ రెసిపీకి ఎంతో ఉపయోగపడతాయ్.

రెసిపీ ప్రింట్ చేయడానికి

టిప్స్

వంకాయ:

ఈ వంకాయ పకోడీకి లేత గింజ పాడనీ నీలం రంగు వంకాయలు అయితేనే రుచి. తెల్లవి లేదా ముదురు రంగులో ఉండే గుత్తి వంకాయలు అంత రుచిగా ఉండవు. వాడుకోదలిస్తే దొరకనప్పుడు అవీ మీరు వాడుకోండి, కానీ లేత నీలం రంగు పొడవు వంకాయలైతేనే రుచి అని అర్ధం చేసుకోండి.

ఇలా చేస్తేనే వంకాయ పకోడీ క్రిస్పీగా వస్తుంది:

వంకాయ పకోడీ వేసే సెనగపిండి మైదా కార్న్ ఫ్లోర్ అన్నీ ఎగరేస్తూ పట్టించాలి. నీళ్లు కూడా వంకాయల పైన చిలకరిస్తూ చెంచాతో తడి పొడిగా పట్టించాలి.
ఈ పకోడీ పిండి మొత్తం తడిగా ఉండదు. తడి పొడిగా ఉంటుంది, ఉండాలి. వంకాయకి కూడా పూర్తిగా పెట్టుకోదు, అక్కడక్కడ పట్టి ఇంకొంచెం వంకాయ కనిపిస్తూనే ఉంటుంది.
వంకాయకి కోటింగ్ ఇచ్చేప్పుడు చెంచా లేదా సలాడ్ టాసర్ వాడుకుంటే పిండి చేతికి అంటకుండా పర్ఫెక్టుగా వంకాయకి పడుతుంది.

వంకాయని వేపే తీరు:

వంకాయ వేగడానికి సమయం పడుతుంది. కాబట్టి పకోడీ వేసి కేవలం మీడియం ఫ్లేమ్ మీదే రంగు మారే దాకా వేపుకోవాలి. వంకాయని హై ఫ్లేమ్ మీద వేపితే వంకాయ పైన రంగొస్తుంది పకోడీ కూడా కరకరలాడుతూ ఉంటుంది, కానీ వంకాయ లోపల పచ్చిగా జిగురుగా ఉంటుంది, తినలేరు.

ఆంచూర్ పొడి:

వంకాయ పకోడీ తెసిలి తెలియాని పిలుపుతో ఉండాలి అప్పుడే రుచి అందుకే ఆంచూర్ పొడి వేశాను, ఆంచూర్ పొడి లేకుంటే ఆఖరున నిమ్మరసం పిండుకొండి.